ايماقتار • 12 مامىر، 2020

الاياقتاردان ساق بولىڭىز!

213 رەت كورسەتىلدى

قازىر قۇقىق قورعاۋ قىزمەتكەرلەرى الاياقتىق قىلمىستارعا باسا نازار اۋدارىپ وتىر. وڭاي ولجا كوزدەگەندەر وزدەرىن الەۋمەتتىك، زەينەتاقى جانە كوممۋنالدىق مەكەمەلەر وكىلدەرى رەتىندە تانىستىرىپ، ارزان باعادا ازىق ت ۇلىك جانە باسقا دا قاجەتتى زاتتار الۋعا ۇسىنىس جاساپ، ازاماتتاردىڭ سەنىمىنە كىرىپ، ارباۋىنا تۇسىرۋدە. وسىعان بايلانىستى قىزىلوردا قالالىق پوليتسيا باسقارماسىنىڭ باستىعى، پوليتسيا پولكوۆنيگى ەرمەك ىسقاقوۆ تۇرعىنداردى ساق بولۋعا شاقىردى.

-كوپ جاعدايدا، الاياقتار قارت كىسىلەردى، قارجىلىق كومەككە مۇقتاج ازاماتتاردى تاڭداپ، ولارعا باسپانا الۋعا كومەكتەسەمىن، از پايىزدىق مولشەرمەن نەسيە الىپ بەرەمىن دەگەن جەلەۋمەن الدايدى، – دەيدى ول.

سونداي-اق قازىر عالامتور جەلىسىندەگى الاياقتىق قىلمىستار دا ءوسىپ وتىر. الاياقتار الەۋمەتتىك جەلىلەردە تۇرمىستىق زاتتاردى ساتۋ-جەتكىزۋ پاراقشالارىن اشىپ، الدىن الا اقشاسىن ءتيىستى ەسەپ-شوتقا اۋدارتىپ الادى، تاپسىرىس بەرۋشىنىڭ جەكە مالىمەتتەرى ارقىلى سىرتتاي ونلاين نەسيە راسىمدەيتىندەر دە بار.

«WhatsApp» جەلىسىندە پايىزدىق مولشەرمەن ۇستەماقىنى كوبەيتۋ سەكىلدى سمس حابارلامالارعا الدانىپ، كورسەتىلگەن ەسەپ-شوتتارعا اقشا اۋداراتىندار بار. بۇل الاياقتىڭ الپىس ايلاسىنىڭ ءبىرى.

قالالىق پوليتسيا باسقارماسىنىڭ باستىعى ەرمەك ىسقاقوۆ عالامتور ارقىلى قاجەتتى زاتتارعا تاپسىرىس بەرگەندە الدىن الا تولەم جاساۋعا اسىقپاعان ءجون ەكەندىگىن ايتادى.

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار