-ساۋدا ورىندارى مەن قويمالاردا جانە تۇراقتاندىرۋ قورىندا 12,4 مىڭ توننا الەۋمەتتىك ماڭىزى بار ونىمدەر قورى ساقتالىپ, ساتىلۋدا. ونىڭ ىشىندە, «بايقوڭىر» اكك» اق-نىڭ تۇراقتاندىرۋ قورىندا 3876,4 توننا ءونىم بار. سونىمەن قاتار, توتەنشە جاعداي ەنگىزىلۋىنە بايلانىستى وبلىس بيۋدجەتىنەن 4,3 مىڭ توننا ءونىم ساتىپ الۋعا قارجى ءبولىندى. الەۋمەتتىك دۇكەندەر قاجەتتىلىگىنە قاراي وتاندىق تاۋاروندىرۋشىلەردەن 300 توننا كۇرىش, 100 توننا پياز, 35 توننا قىرىققابات, 50 توننا سيىر ەتى ساتىپ الىنادى, دەدى سەيىلبەك سەرعازى ۇلى.
بۇعان قوسا, وبلىستاعى كوكونىس ونىمدەرىنە تاپشىلىقتى بولدىرماۋ ءۇشىن تۇركىستان وبلىسى مەن شىمكەنت قالاسى اكىمدىكتەرىمەن ەرتە پىسەتىن كوكونىس ونىمدەرىن كەدەرگىسىز جەتكىزۋ ماقساتىندا مەموراندۋمعا قول قويىلدى.
سوڭعى كۇندەرى تۇركىستان وبلىسىنان 100 تونناعا جۋىق قىرىققابات جەتكىزىلىپ, قىزىلوردا قالاسى مەن اۋدانداردا ارزان باعادا ساتىلدى.
