جالعىز بۇل باعدارلاما ەمەس «نۇرلى جول», «نۇرلى جەر», «اۋىل – ەل بەسىگى» باعدارلامالارىنىڭ ورىندالۋىن قوسا العاندا بيىل 187 ءتۇرلى قۇرىلىس جۇمىسىن ىسكە اسىرۋ كوزدەلىپ وتىر. وبلىستىق بيۋدجەتتىڭ شىعىس بولىگىن ناقتىلاۋ بارىسىندا وعان 300 ملرد تەڭگە قاراجات بولىنەتىن بولدى.
الەۋمەتتىك نىساندار قۇرىلىسى قاتارىندا بيىل 100 مەكتەپكە جوندەۋ جۇمىستارى جۇرگىزىلەدى. پەتروپاۆلدىڭ بەرەكە شاعىن اۋدانىندا زامان تالاپتارىنا ساي كەلەتىن ەمحانا سالىنباق. مادەنيەت سالاسىنىڭ 32 نىسانى كۇردەلى جانە اعىمدىق جوندەۋلەردەن وتكىزىلەدى.
وسىعان بايلانىستى قۇمار ىرگەباي ۇلى ەرەكشە پىكىر ءبىلدىردى. «بۇرىن ءبىز داڭعاراداي مادەنيەت ۇيلەرىن تۇرعىزىپ, ولاردى تەك كونتسەرت كورۋگە, جينالىس وتكىزۋگە عانا قولدانىپ كەلدىك. باسقا ۋاقىتتاردا تەك ورىندىقتاردان تۇراتىن ولار جارىق, جىلۋ, كۇزەت شىعىندارىن بوسقا شىعارىپ, قاڭىراپ تۇراتىن. مىنە, وسىنداي قۇرىلىستاردى قازىر سپورتتىق شارالار وتكىزۋگە دە بەيىمدەۋ كەرەك. ولاردىڭ ىشىنە ترەناجەرلەر ورناتىپ, فيتنەس كلۋبتار ۇيىمداستىرۋعا بولادى. سوندا مادەنيەت ۇيلەرى ءتيىمدى پايدالانىلادى», دەدى ول.
سونىمەن بىرگە بيىل 777 شاقىرىم جول جوندەلەتىندىگى بەلگىلى بولدى. 76 ەلدى مەكەنگە تازا اۋىز سۋ جەتكىزۋ ماسەلەسى شەشىلەدى. وسىعان بايلانىستى جاڭادان 6400 جۇمىس ورىندارىن اشادى.
سونىمەن بىرگە اكىم نىساندار قۇرىلىسىنىڭ جوباسىن ىسكە اسىرۋ كونكۋرسىنا تۇسەتىن ۇمىتكەرلەرگە تالاپتىڭ كۇشەيەتىنىن جەتكىزدى. ءاربىر كومپانيا الىستان كەلەتىن جۇمىسكەرلەرگە 85 مىڭ تەڭگە قونىستانۋ قاراجاتىن تولەۋگە مىندەتتەلەتىن بولعان.
سونىمەن بىرگە اكىم سۋبمەردىگەرلىك دەگەن بولمايتىنىن اتاپ ايتتى. «كونكۋرستى جەڭىپ العاننان كەيىن ءاربىر كومپانيا 3 كۇننىڭ ىشىندە جۇرگىزىلەتىن جۇمىستىڭ سىزباسىن جاساۋى كەرەك. ال ونىڭ ورىندالۋىن حالىق اراسىنان شاقىرىلعان بەلسەندى ازاماتتار, جۋرناليستەر مەن بلوگەرلەردەن, قوعامدىق ۇيىمدار وكىلدەرىنەن قۇرالاتىن كوميسسيا قاداعالاپ وتىرادى. سىزبادان اۋىتقىعان جاعدايدا ءبىز كەلىسىمشارتتى بىردەن ۇزەمىز», دەدى ق.اقساقالوۆ.
سونىمەن بىرگە اكىم قۇرىلىسقا 90 پايىزدىق وتاندىق قۇرىلىس ماتەريالدارى قولدانۋى كەرەكتىگىن ايتتى. سونىڭ ىشىندە وبلىس اۋماعىنداعى قۇرىلىس ماتەريالدارىن وندىرەتىن كاسىپورىندار دا بار. «الايدا وسى تالاپتى پايدالانىپ, كاسىپورىندار ءوز ونىمدەرىنىڭ باعاسىن ءوسىرىپ جىبەرمەۋى قاداعالانسىن», دەدى اكىم.
ءسويتىپ تەرىستىكتە بيىل قۇرىلىس قارقىندى جۇرگىزىلمەك. كارانتين رەجىمىن ساقتاۋدا وبلىس الدىڭعى قاتارداعى ايماقتار قاتارىنان تابىلىپ, ىندەتتىڭ ورىستەۋىنە جول بەرمەگەن ەدى. ەندى قۇرىلىستى دا سول قارقىنمەن اتقارسا قۇبا-قۇپ.
سولتۇستىك قازاقستان وبلىسى
