ىنتىماقتاستىق رايىنداعى كەزدەسۋلەر

يوردانيا ەلىنە جۇمىس بابىمەن كەلگەن قازاقستان رەسپۋبليكاسى ۇكىمەتىنىڭ باسشىسى كارىم ءماسىموۆ ءساۋىردىڭ 5-ىندە اممان قالاسىندا يور­دانيا حاشيميت كورولدىگىنىڭ پرەمەر-ءمينيسترى سامير ءال-ريفاي­مەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى. كەزدەسۋ كەزىندە قازاقستان مەن يوردانيا اراسىنداعى ساۋدا-ەكو­نو­ميكالىق جانە ينۆەستيتسيالىق ىنتى­ماقتاستىقتى ودان ءارى دامى­تۋ­دىڭ كەڭ اۋقىمدى ماسەلەلەرى تالقىلاندى. اۋىل شارۋاشىلىعى سالاسىندا, اتاپ ايتقاندا, استىقتى ەكسپورتتاۋ جانە قازاقستاندىق اۋىل شارۋاشىلىعى ونىمدەرىن يور­دانياعا تاسىمالداۋ, سونداي-اق دەنساۋلىق ساقتاۋ جانە قورعانىس ونەركاسىبى سالاسىنداعى ءوزارا ءىس-قيمىلدىڭ پەرسپەكتيۆالارى قا­رال­دى. وسى جۇزدەسۋ اۋقىمىندا ەكى ەلدىڭ سىرتقى ىستەر مينيستر­لىك­تەرى اراسىندا ءوزارا تۇسىنىستىك تۋ­رالى مەموراندۋمعا قول قويىلدى. “يوردانيا قازاقستانمەن ءوزارا ءتيىمدى ساۋدا-ەكونوميكالىق جانە ين­ۆەستيتسيالىق ىنتىماقتاستىقتى كە­ڭەي­تۋگە زور ماڭىز بەرەدى. ءبىز قازاق­ستاندىق كاسىپكەرلەرگە يور­دا­نياعا ءوز قارجىسىن سالۋدى ۇسىن­عىمىز كەلەدى”, — دەپ اتاپ ءوتتى سامير ءال-ريفاي. ء“بىزدىڭ ەلدەرىمىز اراسىنداعى قاتى­ناستارعا كوشباسشىلار قازاقستان رەسپۋبليكاسىنىڭ پرەزيدەنتى نۇرسۇل­تان نازارباەۆ پەن جوعارى مارتەبەلى كورول ابداللا ءىى اراسىنداعى جىلى شىرايلى جانە دوستىق راۋىشتەگى ءوزارا تۇسىنىستىك نەگىز قالاپ وتىر. بىزدە ەكى­جاق­تى قاتىناستاردى, سونىڭ ىشىندە قا­زاقستان مەن يوردانيا ينۆەستيتسيا­لارىن ىنتالاندىرۋعا مۇمكىندىك بار”, — دەپ اتاپ كورسەتتى ك.ءماسىموۆ. كەشە قازاقستان  پرەمەر-مي­نيس­ترى كارىم ءماسىموۆ سونداي-اق يور­دا­نيا كورولى ابداللا ءىى-مەن كەزدەستى. سۇحباتتاسۋشىلار ءوت­كەن ەكىجاقتى كەلىسسوزدەردىڭ قورى­تىندىلارىن شى­عار­دى. كەزدەسۋدىڭ سوڭىندا تاراپتار قازاقستان-يور­دانيا ۇكىمەتارالىق كوميسسياسى ەكىجاقتى ساۋدا-ەكونو­مي­كالىق باي­لانىستاردى جانداندىرۋدا جانە ويداعىداي دامىتۋدا ماڭىز­دى ءرول اتقارۋى ءتيىس دەپ اتاپ ءوتتى.