ايماقتا كوروناۆيرۋس ينفەكتسياسىنىڭ تارالۋىنىڭ الدىن الۋ جانە حالىقتىڭ قاۋىپسىزدىگىن قامتاماسىز ەتۋ ماقساتىندا وبلىستىڭ باس مەملەكەتتىك سانيتارلىق دارىگەرىنىڭ قاۋلىسى نەگىزىندە 3 ساۋىردەن باستاپ ەنگىزىلگەن شەكتەۋ شارالارى, ونىڭ ىشىندە ەپيدەميولوگيالىق جاعداي تۇراقتانعانعا دەيىن كارانتين ۋاقىتى ۇزارتىلدى.
شەكتەۋ شارالارىن جەڭىلدەتۋدىڭ ءۇش كەزەڭى جاريالاندى. ءبىرىنشى كەزەڭ بويىنشا 11 مامىردان باستاپ, جۇمىس ىستەۋگە رۇقسات بەرىلدى. العاشقى كەزەكتە شەكتەۋلى ۋاقىت بويىنشا بولەك تۇرعان ازىق-ت ۇلىك ەمەس تاۋارلاردى ساتاتىن دۇكەندەرگە رۇقسات ەتىلدى. وتىرعىزۋ ورىنداردىڭ سانىنا سايكەس ۋاقىت شەكتەۋى بويىنشا قوعامدىق كولىكتەر ساعات 07:00-دەن 21:00-گە دەيىن قاتىناي الادى. ال قوعامدىق مونشالارعا شەكتەۋلى ۋاقىت بويىنشا كوپشىلىكتى قابىلداي الادى. سونداي-اق, شەكتەۋلى ۋاقىت بويىنشا 30 ادامنان اسپايتىن مادەنيەت جانە سپورت نىساندارىنىڭ جۇمىسىنا رۇقسات بەرىلەدى. وعان قوسا ساعات جوندەۋ شەبەرحانالارىنا, حيميالىق تازالاۋعا, فوتوسالوندارعا, جارنامالىق اگەنتتىكتەرگە, سونداي-اق سۇلۋلىق سالوندارىنا, مال بازارلارىنا قۇرىلىس ماتەريالدارى بازارلارىنا جۇمىسپەن قامتۋ ورتالىقتارىنا رۇقسات ەتىلەدى.
ال ەكىنشى كەزەڭ 18 مامىردان باستالادى. بۇل ۋاقىتتا بالاباقشالاردىڭ كەزەكشى توپتارىنا, كورەرمەندەردىڭ قاتىسۋىنسىز 50 جۇمىسشىدان اسپايتىن مادەنيەت جانە سپورت نىساندارىنىڭ, الدىن الا جازىلۋ نەگىزىندە شەكتەۋلى ۋاقىتپەن حالىققا قىزمەت كورسەتۋ ورتالىقتارىنىڭ جۇمىسى جۇرگىزىلەدى. ال 25 مامىردان باستالاتىن ءۇشىنشى كەزەڭدە قوناق ءۇي كەشەندەرىنە, وتەلدەرگە, ساۋدا ويىن-ساۋىق ورتالىقتارىنا رۇقسات ەتىلەدى.
بۇگىنگە دەيىن قىزىلوردا وبلىسىندا 230 ادام كوروناۆيرۋستىق ينفەكتسياعا شالدىقسا, ونىڭ ىشىندە, 161 تۇرعىن قاتەرلى ىندەتتەن ساۋىعىپ شىقتى.
