18 ساۋىردە ءوتۋى ءتيىس بولعان, بىراق كەيىنگە قالدىرىلعان UFC 249 ءتۋرنيرى اقش-تىڭ دجەكسونۆيللە قالاسىندا ءوتتى. كەشتىڭ باستى جەكپە-جەگىندە ەكى امەريكالىق سپورتشى توني فەرگيۋسون مەن دجاستين گەتجي جەڭىل سالماقتاعى ۋاقىتشا بەلبەۋ ءۇشىن جۇدىرىقتاستى.
جەكپە-جەكتىڭ العاشقى راۋندىندا فەرگيۋسون قارسىلاسىنا قاراعاندا كوپ سوققى جۇمساپ, كەزدەسۋ تىزگىنىن ءوز قولىنا الدى. دەگەنمەن ەكىنشى كەزەڭدە گەتجي تونيمەن تەڭ دارەجەدە جۇدىرىقتاسىپ, ءۇشىنشى راۋندتا باسىمدىققا يە بولا باستادى. كەزەڭنىڭ ورتا تۇسىندا فەرگيۋسسوندى ەسەنگىرەتە جازدادى.
ءتورتىنشى جانە بەسىنشى راۋندتا قورعانا ءجۇرىپ جۇدىرىقتاسقان دجاستين سوڭعى 5 مينۋتتا ءتونيدىڭ ءبىرىنشى مۇرنىنا, كەيىن كوزىنە اۋىر سوققى جاساعان سوڭ تورەشى كەزدەسۋدى توقتاتۋعا ءماجبۇر بولدى. وسىلايشا ارالاس جەكپە-جەك الەمىندە اسا تانىمال ەمەس دجاستين گەتجي ايگىلى قارسىلاسىن تەحنيكالىق نوكاۋتپەن جەڭىپ كەتتى. ول UFC-ءدىڭ جەڭىل سالماقتاعى ۋاقىتشا چەمپيونى اتاعىن يەلەنىپ, تولىققاندى چەمپيون اتانۋ ءۇشىن حابيب نۋرماگومەدوۆتىڭ قارسىلاسى اتاندى.
