وتكەن بەيسەنبى كۇنى الماتى وبلىسىنىڭ ونەر مايتالماندارى مەن جۇرتشىلىق وكىلدەرى الماتى قالاسىنا كەلدى. مەيمانداردى الماتىلىقتار ىستىق ىقىلاسپەن, قارسى الدى. ىلە-شالا جامبىل اتىنداعى مەملەكەتتىك فيلارمونيادا وبلىستىڭ الماتى قالاسىنداعى مادەني كۇندەرىنە بايلانىستى ءباسپاسوز ءماسليحاتى وتكىزىلدى. الماتى وبلىسى اكىمىنىڭ ورىنباسارى سەرىك مۇقانوۆ پەن الماتى قالاسى اكىمىنىڭ ورىنباسارى ءزاۋرەش امانجولوۆا مادەني كۇندەردىڭ ماقساتى تۋرالى ايتىپ بەردى.
وتكەن بەيسەنبى كۇنى الماتى وبلىسىنىڭ ونەر مايتالماندارى مەن جۇرتشىلىق وكىلدەرى الماتى قالاسىنا كەلدى. مەيمانداردى الماتىلىقتار ىستىق ىقىلاسپەن, قارسى الدى. ىلە-شالا جامبىل اتىنداعى مەملەكەتتىك فيلارمونيادا وبلىستىڭ الماتى قالاسىنداعى مادەني كۇندەرىنە بايلانىستى ءباسپاسوز ءماسليحاتى وتكىزىلدى. الماتى وبلىسى اكىمىنىڭ ورىنباسارى سەرىك مۇقانوۆ پەن الماتى قالاسى اكىمىنىڭ ورىنباسارى ءزاۋرەش امانجولوۆا مادەني كۇندەردىڭ ماقساتى تۋرالى ايتىپ بەردى.
«ونەرىم ساعان – جەتىسۋ» اتتى حالىقتىق ءداستۇرلى ونەر جانە ءوڭىردىڭ ەكونوميكالىق-الەۋمەتتىك جەتىستىگىن دارىپتەيتىن كورمەلەر دە كوپشىلىكتىڭ كوڭىلىنەن شىقتى. حالىق ىسمەرلەرىنىڭ شەبەر قولىمەن جاسالعان كۇندەلىكتى تۇتىنۋ بۇيىمدارى, زەرگەرلىك ساندىك زاتتار كەلۋشىلەردىڭ قىزىعۋشىلىعىن تۋعىزدى. مەملەكەتتىك فيلارمونيادا مادەني كۇندەردىڭ اشىلۋىنا ارنالعان مەرەكەلىك كونتسەرت مۇقان تولەباەۆ اتىنداعى حالىق اسپاپتار وركەسترىنىڭ داڭقتى كومپوزيتوردىڭ «تاماشا» تولعاۋىمەن باستالدى.
– الماتى قالاسى جۇرتشىلىعىنىڭ جەتىسۋلىق ونەرپازداردى ىستىق ىقىلاسپەن قارسى الۋى ءبىزدى شابىتتاندىرىپ, قولتىعىمىزدان دەمەپ جىبەرگەندەي بولدى. ونەر دارىعان الماتىنىڭ قوناقتارعا دەگەن نيەتىنىڭ ەرەكشە ەكەنىن بۇرىننان جاقسى بىلەتىنمىن. ءبىر وزەننىڭ قوس قاپتالىندا ءبىر-بىرىمىزگە دەمەۋ بولىپ, جاقىن ارالاسىپ جاتقان جاعدايىمىز بار. ەلباسىمىز الەمدەگى وركەنيەتتى ەلۋ ەلدىڭ قاتارىنا قوسىلۋىمىز ءۇشىن ءاربىر قازاقستاندىقتىڭ ۇلەس قوسۋى قاجەتتىگىن بوستان-بوسقا ايتىپ جۇرگەن جوق. الماتى وبلىسىنىڭ بۇرىننان ەلىمىزدىڭ كوشباسىندا كەلە جاتقانىن ەشكىم جوققا شىعارماسا كەرەك. ءبىزدىڭ ارقايسىمىز ەڭبەكتە, قىزمەتتە, ونەردە بولسىن, تاۋەلسىز ەلىمىزدىڭ مەرەيىن كوتەرۋ ءۇشىن قاجىر-قايراتىمىزدى, ءبىلىم-قابىلەتىمىزدى, شالقار شابىتىمىزدى جۇمساۋىمىز كەرەك, – دەدى الماتى وبلىسى اكىمىنىڭ ورىنباسارى سەرىك مۇقانوۆ.
الماتى وبلىسىنىڭ ونەرپازدارى الماتىعا جەتىسۋ جەرىنىڭ جومارتتىعى مەن باي ونەر مۇراسىنىڭ ءىنجۋ-مارجاندارىن تارتۋ ەتكەلى كەلدى. «قۇلانساز» فولكلورلىق-ەتنوگرافيالىق انسامبلى مەن وبلىستىق فيلارمونيانىڭ «بيگبەند» وركەسترى, ودان بولەك قاراساي, جامبىل, ىلە, تالعار جانە ەڭبەكشىقازاق اۋداندارىنىڭ قىز-جىگىتتەرى دە ۇلكەن ونەر باعدارلاماسىن كورسەتتى. الماتى قالاسىنداعى مادەني كۇندەرى شەڭبەرىندە جامبىل اتىنداعى مەملەكەتتىك جاسوسپىرىمدەر كىتاپحاناسىندا ءبىر توپ جەتىسۋلىق اقىن-جازۋشىلار وقىرماندارمەن جۇزدەسىپ, وزدەرىنىڭ شىعارماشىلىق جوسپارلارى تۋرالى اڭگىمەلەپ, وي-پىكىرلەرىمەن ءبولىستى.
وسى شاراعا بايلانىستى جەتىسۋلىق ونەر يەلەرى مەن جۇرتشىلىق وكىلدەرىن الماتى قالاسىنىڭ اكىمى احمەتجان ەسىموۆ قابىلداپ, العىس ايتتى.
الماتىعا كەلگەن جەتىسۋلىق مەيماندار قالانىڭ كورىكتى جەرلەرى مەن اسەم تابيعاتىن تاماشالادى. جالپى العاندا, وبلىس پەن الماتى قالاسى تۇرعىندارىنىڭ بارىس-كەلىس, ءوزارا قارىم-قاتىناسى وسى مادەني كۇندەرمەن شەكتەلىپ قالمايدى. الداعى كەزدە دە ءوزارا بايلانىس ودان ءارى جالعاسا بەرمەك.
قانات ەسكەندىر,
«ەگەمەن قازاقستان».
الماتى.
