ايماقتار • 11 مامىر، 2020

كومەك كەرۋەنى

18 رەت كورسەتىلدى

قىزىلورداداعى ۆولونتەرلەر تۇركىستان وبلىسى ماقتاارال اۋدا­­نىنداعى تاسقىن سۋدان زار­داپ شەككەن تۇرعىندارعا گۋما­ني­تارلىق كومەكتىڭ العاشقى لەگىن جىبەردى.

وبلىس اكىمى گۇلشارا ابدى­قا­لىقوۆانىڭ كورشى وڭىردەگى اعايىنعا كومەك كورسەتۋ باستاماسىنا ايماق كاسىپكەرلەرى، قارا­پايىم تۇرعىندار ۇلەس قو­سىپ وتىر. ۆولونتەرلەر از ۋاقىت ىشىندە 15 تونناعا جۋىق كيىم-كەشەك، ۇزاق ساقتالاتىن ازىق-تۇ­لىك تۇرلەرى، گيگيەنالىق زاتتار جيناپ، سۋ تاسقىنىنان قي­نال­عان اعايىنعا اتتاندىر­دى. ءتورت كولىككە تيەلگەن گۋماني­تار­لىق كومەكتى 15 ەرىكتى باستاپ باردى.

– ماقتاارال جۇرتىنىڭ باسىنا تۇسكەن قيىندىق بارلىق ەلگە ورتاق. ءبىز وسى ساپارىمىز­دا ونداعى اعايىننىڭ جايىن ءبىلىپ، قولداۋ كورسەتىپ، الدا­عى ۋاقىتتا قانداي جاردەم قاجەت­تىگىن ءبىلىپ قايتامىز، – دەدى كومەك كەرۋەنىن ۇيىمداس­تى­رۋشىلاردىڭ ءبىرى، بەلگىلى ايتىسكەر اقىن مۇحتار نيازوۆ.

مۇنداي گۋمانيتارلىق كومەكتەر وبلىس ورتالىعىمەن قاتار اۋدانداردا دا ۇيىم­داس­تىرىلىپ جاتىر. وسى كەرۋەنگە سىرداريا اۋدانى ەرىكتىلەرىنىڭ كومەگى كەلىپ قوسىلسا، جاڭا­قورعان اۋدانىنىڭ ۆولون­تەر­لەرى جيناعان جار­دە­مىن ماق­تا­ارال­دىقتارعا جەتكىزىپ بەرىپتى.

ۆولونتەرلەردىڭ وبلىستىق شتابى جەتەكشىسى ولگا چەبا­كو­ۆانىڭ ايتۋىنشا، كورشى وڭىرگە كومەك كەرۋەنى الدا دا ۇيىمداستىرىلادى.

 

قىزىلوردا

 

سوڭعى جاڭالىقتار

ۇقساس جاڭالىقتار