جالپى, كارانتين رەجىمى كەزىندە مۋزەيدەگى ونلاين ەكسكۋرسيالار ۇنەمى جالعاسىپ وتىرعان. ولاردىڭ بارلىق سانى 25-كە جەتكەن. ونى بارلىعى 5 مىڭداي ادام تاماشالاعان. مۋزەي ديرەكتورى ايان ساداەۆتىڭ ايتۋىنا قاراعاندا: «جەڭىس كۇنىنە ارنالعان كورمەنىڭ اتى: «ەر ەسىمى – ەل ەسىندە» دەپ اتالادى. ول وبلىستىق مادەنيەت باسقارماسىنىڭ قولداۋىمەن جاسالعان. وندا جالعىز سولتۇستىك قازاقستان وبلىسى عانا ەمەس, جالپى ەلىمىزدىڭ سوعىس جىلدارىنداعى ەرلىكتەرىنەن, تىلداعى جانقيارلىق ەڭبەكتەردەن دەرەكتەر ايتىلادى».
ەكسكۋرسيا جۇرگىزۋشى نازگۇل بەيسەمبينا سولتۇستىكقازاقستاندىقتار اراسىنان 55 ادام كەڭەس وداعىنىڭ باتىرى اتاعىن العانىن, ال 11 ادام جاۋىنگەرلىك «داڭق وردەنىنىڭ» ءۇش دارەجەسىن تولىق العانىن ايتتى. «دەمەك, سوڭعىلار دا باتىر اتاعىنا تەڭەستىرىلگەندەر. سوندا بىزدەن بارلىعى 66 ادام باتىر اتاعىن العان ەكەن. بۇل جاستارىمىزدىڭ پاتريوتتىق رۋحىن كوتەرۋگە ۇلكەن ۇلگى بولارى ءسوزسىز. قازىر كەيبىر مەكتەپتىڭ وقۋشىلارى باتىرلار تۋرالى تولىق دەرەكتەر جيناۋمەن اينالىسىپ ءجۇر», دەدى ول.
جەڭىس كۇنىن جاقىنداتۋعا ۇلەس قوسقان جاۋىنگەرلەردىڭ داڭقى 75 جىل وتسە دە ۇمىتىلمايدى. ولاردىڭ ەرلىكتەرى بۇگىنگى ۇرپاققا ونەگە ەكەنى ءسوزسىز. سونىڭ ءبىر دالەلى جاس ۇرپاقتىڭ جەڭىس تاريحىن بىلۋگە دەگەن قۇشتارلىعى. ابىلاي حان رەزيدەنتسياسى» مۋزەي كەشەنى بۇل ىستە ارقاشان بەلسەندى قىزمەت ەتۋدە. ءىى دۇنيەجۇزىك سوعىس جاۋىنگەرلەرىنىڭ قاھارماندىعى ۇرپاقتىڭ ساناسىنا ابىلاي ەرلىگىمەن ساباقتاستىرىلىپ جاتقانى دا قۇبا قۇپ.
قىزىلجار
