ءبورىباي قۇلمان ۇلى 1920 جىلى 6 ماۋسىمدا قىزىلوردا وبلىسى سىرداريا اۋدانىندا دۇنيەگە كەلگەن. رجەۆسك پەن ۆولگا بويىن جاۋدان ازات ەتۋگە قاتىسقان مايدانگەر «قىزىل جۇلدىز» جانە «وتان سوعىسى» وردەندەرىمەن ماراپاتتالعان.
ەلگە ورالعاننان كەيىن دە ارداگەر ءوڭىردىڭ الەۋمەتتىك-ەكونوميكالىق دامۋىنا زور ۇلەس قوستى.
ءوڭىر باسشىسى گۇلشارا ابدىقالىقوۆا ارداگەرگە ەل پرەزيدەنتى قاسىم-جومارت كەمەل ۇلى توقاەۆتىڭ قۇتتىقتاۋىن جەتكىزىپ, بەيبىتشىلىك پەن جارقىن بولاشاقتى قورعاعان قارت ساربازعا العىسىن ايتتى.
ارداگەر دە وزىنە ۇنەمى كورسەتىلىپ وتىرعان قامقورلىق مەن قولداۋ ءۇشىن ريزاشىلىعىن ءبىلدىردى.
وڭىردەگى 16 ۇوس ارداگەرىنىڭ 8-ءى قىزىلوردا قالاسىندا, 1-ءۋى ارال اۋدانىندا, 3-ءۋى قازالى اۋدانىندا, 2-ءۋى سىرداريا اۋدانىندا, 1-ءۋى شيەلى اۋدانىندا, 1-ءۋى جاڭاقورعان اۋدانىندا تۇرادى.
بۇگىن وبلىستاعى بارلىق مايدانگەرلەردى ءوڭىر باسشىسى مەن قالا, اۋدان اكىمدەرى قۇتتىقتاپ, قازاقستان رەسپۋبليكاسى پرەزيدەنتىنىڭ قۇتتىقتاۋىن تاپسىردى.
بيىل وڭىردەگى 16 مايدانگەردىڭ بارلىعىنا 1 ملن 111 مىڭ تەڭگەدەن بەرىلدى. جالپى سوعىس ارداگەرلەرى مەن تىل ەڭبەككەرلەرىنە ماتەريالدىق جانە الەۋمەتتىك كومەك كورسەتۋگە 437 ملن تەڭگە بولىنگەن.
