وبلىستىق «جاستار رەسۋرستىق ورتالىعى» جانىنان گۋمانيتارلىق كومەك ۇيىمداستىرۋ شاراسىنا كاسىپكەرلەر مەن قاراپايىم تۇرعىندار ۇلەس قوسىپ, ەكى كۇننىڭ ىشىندە 15 تونناعا جۋىق ازىق-ت ۇلىك, كيمى-كەشەك پەن گيگيەنالىق زاتتار جينالعان.
وبلىس ورتالىعىنداعى «تاعزىم» الاڭىنان جولعا شىققان گۋمانيتارلىق كومەكتى سىربويىلىق 15 ەرىكتى باستاپ بارادى.
- ماقتارال جۇرتىنىڭ باسىنا تۇسكەن قيىندىق بارلىق ەلگە ورتاق. ءبىز وسى ساپارىمىزدا ونداعى اعايىننىڭ جايىن ءبىلىپ, قولداۋ كورسەتىپ, الداعى ۋاقىتتا قانداي جاردەم قاجەتتىگىن ءبىلىپ قايتامىز, – دەيدى كومەك كەرۋەنىن ۇيىمداستىرۋشىلاردىڭ ءبىرى, بەلگىلى ايتىسكەر اقىن مۇحتار نيازوۆ.
مۇنداي گۋمانيتارلىق كومەكتەر وبلىس ورتالىعىمەن قاتار اۋدانداردا دا ۇيىمداستىرىلىپ جاتىر. وسى كەرۋەنگە سىرداريا اۋدانى ەرىكتىلەرىنىڭ كومەگى كەلىپ قوسىلسا, جاڭاقورعان اۋدانىنىڭ ۆولونتەرلەرى جيناعان جاردەم تيەلگەن كولىكتەر دە جولعا شىققان.
ۆولونتەرلاردىڭ وبلىستىق شتابى جەتەكشىسى ولگا چەباكوۆانىڭ ايتۋىنشا كورشى وڭىرگە كومەك كەرۋەنى الدا دا ۇيىمداستىرىلادى.
