وسىدان بىرنەشە كۇن بۇرىن قازالىلىق جاس كاسىپكەرلەر مارحاببات اسانوۆا مەن مەرەي ايەكەشوۆا وزدەرىنىڭ الەۋمەتتىك جەلىدەگى پاراقشالارىندا قازالى قالاسى تۇرعىنىنىڭ باسپاناسى قۇلاۋ قاۋپىندە تۇرعانىن ايتىپ, قايىرىمدى جانداردى كومەك كورسەتۋگە شاقىرعان بولاتىن. كورسەتىلگەن ەسەپشوتقا تۇسكەن قارجىعا تۇرعىن ءۇيدىڭ ىرگەتاسى قۇيىلدى. از كۇندە قابىرعاسى قالانا باستايدى. بۇل يگىلىكتى ىسكە قازالى قالاسىنىڭ بەلسەندى ازاماتتارى مەن جاستارى وزدەرىنىڭ لايىقتى ۇلەستەرىن قوسۋدا. ەرىكتىلەر بالالارىن ءبىر ءوزى تاربيەلەپ وتىرعان بۇل ازاماتتىڭ اۋلاسىن قورشاپ, تەمىر قاقپا ورناتىپ جاتىر.
ق.ءپىرىموۆ اۋىلى تۇرعىنىنىڭ دا باسپاناسى كوكتەمدە جاۋعان تولاسسىز جاڭبىردان كەيىن تۇرۋعا جارامسىز بولىپ قالعان. اۋىلداعىلار ورىسباي مەن كۇنىمكۇل ناۋحانباەۆتارعا ءۇي سالىپ بەرۋگە وزدەرى كىرىستى. قازىر اۋىل جاستارىنىڭ دەمەۋشىلىگىمەن ءۇيدىڭ ىرگەتاسى قۇيىلىپ, قابىرعاسى قالانىپ تۇر.
