ايىرتاۋ اۋدانى ەجەلدەن قازاقستاننىڭ ەڭ ادەمى ورىندارىنىڭ ءبىرى بولىپ سانالادى. بۇل ولكە كوركەم كولدەر مەن قالىڭ ورماندارعا باي, سوندىقتان وعان جەرگىلىكتى جەرلەردەن عانا ەمەس, رەسپۋبليكانىڭ جاقىن ماڭداعى ايماقتارىنان, ءتىپتى رەسەي فەدەراتسياسىنان دەمالۋشىلار كوپ كەلەدى. راميل كاممالوۆ تۋريزم سالاسىن دامىتۋدىڭ مەملەكەتتىك باعدارلاماسىن ىسكە اسىرۋ شەڭبەرىندە سۋدا قۇتقارۋ ستانتسيالارىن سالۋ جوسپارلانعان شالقار جانە يمانتاۋ كولدەرىندەگى ۋچاسكەلەرىندەگى جۇمىستىڭ بارىسىمەن تانىستى جانە يمانتاۋ سەلوسىنداعى ءورت ءسوندىرۋ بەكەتىنىڭ جاعدايىن تەكسەردى. «اۋداندا تۋريستىك سالانى دامىتۋ الەۋەتى وتە زور, ءبىزدىڭ وبلىستاعى سۋدا جاپپاي دەمالۋعا بولاتىن 58 ورىننىڭ 46-سى وسىندا ورنالاسقان. ءبىزدىڭ مىندەتىمىز - قازاقستاندىقتار مەن ءوڭىر قوناقتارىنىڭ قاۋىپسىزدىگىن قامتاماسىز ەتۋ»,- دەپ اتاپ ءوتتى راميل كامالوۆ.
وبلىس اكىمى قۇمار اقساقالوۆ ءتۋريزمدى دامىتۋ شارالارى اياسىندا سۋعا تۇسەتىن ادامداردىڭ 2020 جىلعا قاۋىپسىزدىگىن ساقتاۋ جوسپارىن بەكىتۋدى تاپسىرعان. تج دەپارتامەنتىنىڭ باستىعى وسى جوسپاردى تياناقتاۋ ماقساتىندا حالىق سۋعا تۇسەتىن عابيت مۇسىرەپوۆ, شال اقىن, ەسىل جانە مامليۋت اۋداندارىن دا 3 كۇن بويى ارالاپ شىقپاقشى.
سولتۇستىك قازاقستان وبلىسى
