جاستار اراسىندا سىبايلاس جەمقورلىققا قارسى مادەنيەتتى قالىپتاستىرۋ ماقساتىندا وتكەن دەباتقا University-ءدىڭ «قۇقىقتانۋ», «قورشاعان ورتانى قورعاۋ جانە ءومىر تىرشىلىگىنىڭ قاۋىپسىزدىگى» جانە «مۇناي – گاز ءىسى» ماماندىقتارىنىڭ ستۋدەنتتەرى قاتىسىپ, ءوز پىكىرلەرىن ورتاعا سالدى.
«سىبايلاس جەمقورلىق – جاعىمسىز قۇقىقتىق جانە الەۋمەتتىك قۇبىلىس» تاقىرىبىندا وتكەن پىكىرسايىستا Yessenov University جانىنداعى دەبات كلۋبىنىڭ جەتەكشىسى قوبىلان ەرمەكباەۆ پەن دەپارتامەنتتىڭ الدىن الۋ جانە پاراساتتىلىق باسقارماسىنىڭ باس مامانى حانشايىم قۇسپانوۆا تورەشىلىك ەتتى.
پىكىرسايىس كلۋبىنىڭ ەرەجەسى بويىنشا الدىمەن فراكتسيالار رەتتىك سانىن انىقتاپ الدى. ءبىرىنشى بولىپ پىكىرسايىسقا تۇسەتىن «جاستار» فراكتسياسى ۇكىمەت, «بولاشاق» فراكتسياسى وپپوزيتسيا رەتىندە پىكىر تالاستىردى. «قوعامدا ورىن الاتىن جاعىمسىز قۇبىلىس رەتىندە سىبايلاس جەمقورلىقپەن كۇرەستى ەرتە جاستان باستاپ, مەكتەپ باعدارلاماسىنا سىبايلاس جەمقورلىققا قارسى ءپان ەنگىزىلۋى كەرەك» دەگەن فراكتسيالار ويلارىن ۇتىمدى جەتكىزىپ, پىكىر الاڭىن قالىستاستىرا الدى.
پىكىرسايىس قورىتىندىسى بويىنشا ۇزدىك وي-پىكىرلەرىمەن كوزگە تۇسكەن «بولاشاق» كومانداسى جەڭىسكە جەتتى.
-جاستار اراسىندا سىبايلاس جەمقورلىققا قارسى مادەنيەت قالىستاستىرۋدا وسىنداي شارالار وتكىزۋ ءتيىمدى, ستۋدەنتتەر ىزدەنەدى, وسىلايشا ولاردىڭ بويىندا سىبايلاس جەمقورلىققا قارسى يممۋنيتەت قالىپتاسادى, دەدى حانشايىم قۇسپانوۆا.
ءوز كەزەگىندە, وقىتۋشى گۇلنار ىزتۇرعانوۆا Yessenov University مەن ماڭعىستاۋ وبلىسى سىبايلاس جەمقورلىققا قارسى قىزمەت دەپارتامەنتىمەن الداعى ۋاقىتتا وسىنداي ءىس-شارالار جالعاساتىنىن جەتكىزدى.
ماڭعىستاۋ وبلىسى
