ەندى اۋدان تۇرعىندارى توتەنشە جاعداي كەزىندە كوممۋنالدىق قىزمەت اقى ەسەبىندە بەرىلەتىن 15 مىڭ تەڭگەنى الۋ ءۇشىن ەش جەرگە بارماي-اق, وسى ورتالىققا حابارلاسىپ, ءوتىنىش بەرە الادى.
تۇتىنۋشى ءوز وتىنىشىندە جەكە سايكەستەندىرۋ ءنومىرىن, الەۋمەتتىك مارتەبەسىن, ەسەپشوت دەرەگىن كورسەتۋى ءتيىس.
اتالعان الەۋمەتتىك كومەك 1,2 جانە 3 توپتاعى مۇگەدەكتەرگە, ۇلى وتان سوعىسىنىڭ مۇگەدەكتەرى مەن قاتىسۋشىلارى جانە ۇلى وتان سوعىسىنىڭ مۇگەدەكتەرى مەن قاتىسۋشىلارىنا تەڭەستىرىلگەن ادامدارعا, مۇگەدەك بالالاردى تاربيەلەۋشى وتباسىلارعا, كوپبالالى وتباسىلارعا, ەڭ تومەن جانە از زەينەتاقى الاتىن زەينەتكەرلەرگە, مەملەكەتتىك جانە قوعامدىق مىندەتتەرىن جانە اسكەري قىزمەتىن ورىنداۋ كەزىندە, عارىش كەڭىستىگىنە ۇشۋدى دايىنداۋ نەمەسە جۇزەگە اسىرۋ كەزىندە, ادام ءومىرىن قۇتقارۋ كەزىندە, قۇقىق ءتارتىبىن ورىنداۋ كەزىندە كەزىندە قازا تاپقان (قايتىس بولعان) ادامداردىڭ وتباسىلارىنا جانە اتاۋلى الەۋمەتتىك كومەك الاتىن ازاماتتار, ونىڭ ىشىندە جالعىزباستى زەينەتكەرلەرگە تيەسىلى.
