KazStSat جانە KazEOSat-1 قازاقستاندىق سپۋتنيكتەرىنەن, سونداي-اق قازاقستاننىڭ ستراتەگيالىق ارىپتەسى – Airbus D&S سپۋتنيگىنەن الىنعان عارىشتىق مونيتورينگ دەرەكتەرى وڭىردەگى سۋ تاسقىنى جاعدايىن تالداۋعا نەگىز بولدى.
«قازاقستان عارىش ساپارى» ماماندارى قىسقا مەرزىمدە سۋ باسقان ەلدىمەكەندەردەگى ۇيلەر مەن عيماراتتاردى, سونداي-اق اۋىل شارۋاشىلىعى جەرلەرىن انىقتادى. بۇل مەملەكەتتىك جەر كاداسترىنىڭ اقپاراتتىق جۇيەسىندەگى تسيفرلانعان كاداسترلىق دەرەكتەردىڭ ارقاسىندا مۇمكىن بولدى.
اكىمدىك وسى مالىمەتتەر بويىنشا زارداپ شەككەن ازاماتتاردى, ياعني جىلجىمايتىن م ۇلىك پەن جەر ۋچاسكەلەرىنىڭ يەلەرىن انىقتاي الدى.
«قازاقستان عارىش ساپارى» ۇك» اق ماماندارى عارىشتان الىنعان دەرەكتەردى ارنايى گەوپورتالعا ورنالاستىردى. توتەنشە جاعدايدى ودان ءارى قاداعالاۋ ءۇشىن بۇل دەرەكتەر تۇركىستان وبلىسىنىڭ اكىمدىگىنە جانە توتەنشە جاعدايلار جونىندەگى ايماقتىق دەپارتامەنتكە بەرىلىپ وتىردى. سپۋتنيكتەن الىنعان دەرەكتەر تج كەزىندە ۇنەمى جاڭارتىلىپ تۇرادى.
تۇركىستان وبلىسى ماقتاارال اۋدانىنداعى «ساردوبا» سۋ قويماسى بوگەتىنىڭ بۇزىلۋى تۋرالى حابار بەرىلگەن بويدا, جەردى قاشىقتان زوندتاۋ قۇرالدارى ارقىلى جاعداي باقىلاۋعا الىندى. سپۋتنيكتەردىڭ جۇمىسىن باقىلاپ وتىراتىن «قازاقستان عارىش ساپارى» ۇلتتىق كومپانياسىنىڭ ماماندارى «KazEOSat-1» جانە «KazEOSat-2» جەرسەرىكتەرىنىڭ وربيتالاردان وتۋىنە سەپتەسە, «Ghalam» جشس ماماندارى عىلىمي-تەحنولوگيالىق ماقساتتاعى KazStSat سپۋتنيگىنىڭ قاجەتتى ايماقتىڭ ۇستىنەن وتۋىنە سەپتەپ, الداعى كۇنگە ءتۇسىرىلىم جۇمىسىن جوسپارلادى. وسىمەن بىرگە, بەلگىلەنگەن اۋماقتى سۋرەتكە ءتۇسىرۋ جۇمىسىنا «قازاقستان عارىش ساپارى»-نىڭ الەمدىك ارىپتەستەرى: Airbus, Maxar, Planet وپەراتورلارى دا قاتىستى.
