«سۋ ەلدى مەكەندەردەن كەتكەننەن كەيىن ۇيلەردى ارالاپ, بىلتىرعى ارىس تاجىريبەسى سياقتى ءار ۇيگە كەلگەن زارداپتى, شىعىندى ەسەپتەپ شىعۋىمىز كەرەك. ءارى قاراي كوميسسيامەن بىرىگىپ, ب ۇلىنگەن ۇيلەردى قايتا قالپىنا كەلتىرۋ جولدارىن قاراستىرۋ كەرەك. سۋ باسقان اۋىلدىڭ ەۆاكۋاتسيالانعان ءار تۇرعىنىنا وتەماقى بەلگىلەۋ دۇرىس بولار دەپ ەسەپتەيمىن. مۇنان بولەك 7 مىڭنان استام ەگىستىك القابىنا ءبىراز شىعىن كەلدى. ەگىلگەن ەگىستىك, پلەنكا استىندا جاتقان ءارتۇرلى ەگىستىك القابى بار. سونىڭ ءبارىن قايتا ەسەپتەپ, ونى دا وتەۋگە كومەكتەسۋىمىز قاجەت», دەدى ومىرزاق شوكەەۆ.
سونداي-اق ول قازىر ەۆاكۋاتسيالانعان ازاماتتارعا ءتۇسىندىرۋ جۇمىستارى جۇرگىزىلىپ جاتقانىن ايتتى.
«بىلتىرعى ارىستاعىداي كوپ ادامدى جيناپ, ۇلكەن جيىن جاسامايمىز. جەكە-جەكە ءار مەكتەپكە بارىپ, ءتۇسىندىرۋ جۇمىستارى جۇرگىزىلۋدە. جالپى حالىق تۇسىنىستىكپەن قارايدى, ۇلكەن شىدامدىلىقپەن, توزىمدىلىكپەن بۇل جاعدايدى وتكىزىپ جاتىر. ءبىز كوميسسيانى كۇتىپ وتىرمىز, سولارمەن بىرگە ءبارىن ارالاپ شىعامىز», - دەدى وبلىس اكىمى.
