قوعام • 05 مامىر، 2020

قاۋىپسىزدىككە سالعىرت قارامايدى نەمەسە جۇمىسىن قايتا باستاعان مەكەمەلەردەگى جاندانۋ

6 رەت كورسەتىلدى

كوشەدەگى كوپتەگەن كولىكتەر مەن ارى-بەرى سابىلىسقان ادامدارعا قاراپ، قالاداعى قالىپتى ءومىر قايتا باستالعانداي سەزىنەسىز. بىراق بۇل كارانتين ءبىتتى، كوروناۆيرۋس كەتتى دەگەندى بىلدىرمەيدى. ناۋرىز ايىنىڭ ورتاسىنان باستاپ جاريالانعان توتەنشە جاعداي رەجىمى ەلىمىزگە جەتكەن ىندەتتى ەسىكتەن قايتارۋعا كوپ ىقپال ەتكەنىن جاسىرمايمىز. دەگەنمەن، ءالى دە بولسا ساقتىق شارالارىنا سالعىرت قاراماعان ابزال.

مەملەكەت باسشىسى قاسىم-جومارت توقاەۆ مالىمدەمەسىندە توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيا كارانتين تالاپتارىن جەڭىلدەتۋگە دايىن ەكەنىن اتاپ، اتالعان كوميسسياعا ەلوردانىڭ ۇلگىسىمەن ەلىمىزدىڭ بارلىق وڭىرىندە ءوز جۇمىستارىنا كىرىسەتىن مەكەمەلەردىڭ ءتىزىمىن جاساۋ تاپسىرىلعانىن ايتقان بولاتىن.

ء«بىرىنشى كەزەكتە ونەركəسىپ كəسىپ­ورىندارى، قۇرىلىس، جول قۇرىلىسى جəنە كولىك كومپانيالارى، بانكتەر جəنە حالىققا قىزمەت كورسەتۋ ورتالىقتارى جۇمىسقا كىرىسۋى كەرەك. بىراق بارلىق سانيتارلىق نورمالاردى ساقتاپ، جۇمىس ورىندارىندا ۇنەمى دەزينفەكتسيا جۇرگىزىپ تۇرۋ قاجەت. كۇندەلىكتى ومىردە əلەۋمەتتىك ارا قاشىقتىقتى ۇستانعان ءجون. كəسىپورىن باسشىلارىنا جəنە جەرگىلىكتى اتقارۋ ورگاندارىنا جەكە جاۋاپكەرشىلىك جۇكتەلەدى. بۇل ورايدا بارلىق دەڭگەيدەگى əكىمدىكتەردىڭ ءرولى ايتارلىقتاي ارتادى»، دەدى ق.توقاەۆ.

وسىعان وراي پرەمەر-مينيستر اسقار ءماميننىڭ توراعالىعىمەن توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيانىڭ كەزەكتى وتىرىسى ءوتىپ، مەملەكەتتىك كوميسسيا ءوڭىر اكىمدەرىنىڭ ۇسىنىستارىن قاراپ، دەنساۋلىق ساقتاۋ مينيسترلىگىنىڭ پوزيتسياسىن ەسكەرە وتىرىپ، بىرقاتار شەشىم قابىلداعان بولاتىن. دالىرەك ايتساق، 4 مامىردان باستاپ بارلىق وڭىردە جۇمىسقا كىرىسەتىن كاسىپكەرلىك سۋبەكتىلەرىنىڭ قىزمەت تۇرلەرىنىڭ ءتىزىمى بەكىتىلگەن ەدى. ولاردىڭ قاتارىندا اۋماعى 500 شارشى مەترگە دەيىن بولاتىن ازىق-ت ۇلىكتىك ەمەس دۇكەندەر ساعات 17:00-گە دەيىن (بارلىق تۇرلەرى)، فوتوسالوندار، گۇل ساتاتىن دۇڭگىرشەكتەر، شاشتارازدار (جازىلۋ بويىنشا)، مەديتسينا ورتالىقتارى (جازىلۋ بويىنشا)، ستوماتولوگيالىق كلينيكالار (جازىلۋ بويىنشا)، جىلجىمايتىن م ۇلىكپەن وپەراتسيالاردى جۇزەگە اسىراتىن كومپانيالار، جارناما اگەنتتىكتەرى، ادۆوكاتتار، نوتاريۋس­تەر، شاعىن قارجى ۇيىمدارى، ساقتاندىرۋ كومپانيالارى، لومباردتار، ايىرباستاۋ پۋنكتتەرى، اقپاراتتىق-كوممۋنيكاتسيالىق تەحنولوگيالار كومپانيالارى بار.

پرەزيدەنت پارمەن بەرگەن ماسەلەلەردىڭ قالاي ورىندالىپ جاتقانىن كورۋ ماقساتىندا «استانالىق بازاردىڭ» ماڭىن شولىپ وتتىك. ايتقانداي، دۇڭگىرشەكتەر مەن دۇكەندەر جۇمىسىن باستاپ كەتكەن ەكەن. اسىرەسە شاشتارازعا كەزەككە تۇرعان ادامداردىڭ قاتارى قالىڭ. قىرىق كۇن قىرقىلماعان شاشتىڭ شارۋاسىن شەشۋگە كەلگەندەر كوپ سياقتى. سونىمەن بىرگە اياق كيىم، كيىم-كەشەك ساتاتىن شاعىن دۇكەندەر دە قىزمەتكە قىزۋ كىرىسكەن. سونىڭ بىرىنە باس سۇعىپ، باسشىسىن اڭگىمەگە تارتتىق.

«كوروناۆيرۋس ىندەتى قازاقستان ازاماتتارىنان تىركەلدى دەگەندى ەستىگەندە ەلدىڭ ەسەندىگى ءۇشىن ەلەڭدەپ، ارتى قالاي بولار ەكەن دەپ الاڭداعان بولاتىنبىز. بىراق مەملەكەت باسشىسى باستاپ، ەل قوستاپ دەر كەزىندە شۇعىل شەشىمدەر قابىلدانىپ، الدىن الۋ شارالارى جاسالعانىن كوزىمىز كوردى، كوڭىلىمىز ءسۇيسىندى. دەگەنمەن، العاشىندا تارتىپكە باعىنباي، بەتپەردە تاعىنباي جۇرگەندەردى دە كورىپ، نالىعانبىز. قاۋىپتىڭ قارقىنىن بايقاعان ازاماتتار سودان كەيىن ساقتانىپ، ۇيىنەن شىقپاۋعا دا ۇيرەندى. كۇردەلى ىندەتپەن كۇرەسىپ جاتقاندارعا ۇستەمەاقى، تابىسىنان ايىرىلعاندارعا جاردەماقى تاعايىنداپ، كاسىبى بار ازاماتتاردى سالىقتان بوساتىپ، مەملەكەت مەيىلىنشە مەيىرىمدىلىك تانىتۋدا. مەن دە كاسىپكەرمىن. كارانتين ەنگىزىلگەن كۇننەن باستاپ ەلمەن بىرگە ەرەجەگە باعىنىپ، ساۋ­دامدى توقتاتىپ، ساۋلىقتى ويلادىم. سالىقتان بوساتىلعانىم تۋرالى حابارلاما الدىم. تاۋبە دەدىم، تارتىپكە باعىندىم»، دەيدى ەرلەر، ايەلدەر اياق كيىمى جانە كيىمدەرى دۇكەنىنىڭ باسشىسى ايگۇل ەسەنبەكقىزى.

سونىمەن قاتار ول، كەشەدەن بەرى ساۋدا دۇكەنىنىڭ ەسىگىن اشىپ، شاڭىن ءسۇرتىپ، شامىن جاعىپ ىسكە كىرىسكەنىن العا تارتتى.

«ارينە بۇل جەردە ەڭ ءبىرىنشى ەلدىڭ امان-ساۋلىعى ءۇشىن ساقتىق شارالارىنا باسا نازار اۋدارامىز. تۇتىنۋشىلاردىڭ توپتانىپ كىرۋىن توقتاتىپ، ەكى-ءۇش ادامنان عانا ەنگىزىپ، قىزمەت كورسەتەمىز. دۇكەننىڭ ءىشىن دەزينفەكتسيالاپ، سورەلەردى ءسۇرتىپ، تازالىق ءتارتىبىن ساقتاۋدامىز. اپاتتىڭ ايتىپ كەلمەيتىنى انىق قوي، سوندىقتان ەل باسىنا وسىنداي كۇن تۋعاندا ءبىر جاعادان باس، ءبىر جەڭنەن قول شىعارىپ، بىرلىگىمىزدى بايقاتىپ، تاتۋلىعىمىزدى تانىتۋ كەرەك. الەم جۇرتشىلىعىن اۋرە-سارساڭعا سالعان ىندەتتىڭ ءىزى تەزىرەك جوعالىپ، اۋىرعاندار وڭالىپ شىقسا ەكەن»، دەيدى كاسىپكەر ا.ەسەنبەكقىزى.

وسىلايشا، ەلوردا تىرشىلىگى قايتادان جاندانىپ، كوشەلەردە ادام مەن كولىكتىڭ قاراسى كوبەيىپ، ءتۇرلى قىزمەت كورسەتۋ نىساندارى كەلۋشىلەرگە ەسىكتەرىن ايقارا اشۋدا. دەگەنمەن دە قىزمەت كورسەتۋ مەن تابىس تابۋدىڭ قىزىعىنا ءتۇسىپ كەتىپ، تازالىق پەن ءتارتىپتى ۇمىت قالدىرماساق ءجون بولار ەدى.

سوڭعى جاڭالىقتار

ۇقساس جاڭالىقتار