الپىسقا جۋىق وقۋشى قاتىسقان بايقاۋ حالىق بيلەرى, قازىرگى زامان حورەوگرافياسى, سپورتتىق بالدىق بي, حيپ-حوپ جانە k-pop باعىتتارى بويىنشا وتكىزىلدى. العاشقى جانردا مەكتەپتىڭ 11-سىنىپ وقۋشىسى ەلجان جارىلقاسىن, 12-سىنىپ وقۋشىلارى گۇلمارال كەڭەسبەك پەن جانسايا سەرىكباي ءوز ونەرلەرىن كورسەتسە, قازىرگى زامان بيلەرىنەن 11- سىنىپ وقۋشىلارى مەرەي يساتاي مەن نازىم قۋاندىق جانە 10-سىنىپ وقۋشىسى بايان ساريباەۆا باق سىنادى.
بايقاۋدىڭ اقتىق كەزەڭىنە جولداما العان جانسايا ء ى ورىن, ال بايان جۇلدەلى ءىىى ورىندى يەلەندى. سونداي-اق, فەستيۆال بارىسىندا بي قويىلىمىندا كرەاتيۆتى مازمۇنمەن ەرەكشەلەنگەن مەرەي يساتاي «ۇزدىك قويىلىم» نوميناتسياسىمەن ماراپاتتالدى.
ايتا كەتۋ كەرەك, شىمكەنت قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبى ۇيىمداستىرعان العاشقى ونلاين بي بايقاۋىن الداعى ۋاقىتتا ءداستۇرلى تۇردە وتكىزۋ جوسپارلانىپ وتىر.
