تابيعات قورعاۋ پوليتسياسى قىزمەتكەرلەرى مەن وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ماماندارى 2 مامىر كۇنى بىرلەسكەن رەيد بارىسىندا شيەلى اۋدانى, بالا بي اۋىلىنىڭ تۇسىندا «ۋاز» اۆتوكولىگىن توقتاتىپ تەكسەرۋ بارىسىندا, زاڭسىز ەلەكتر توعىن پايدالانىپ, بالىق اۋلاپ جۇرگەن اۋدان تۇرعىنى ۇستالدى.
ۇستالعان ازاماتتان رەزەڭكە قايىق, اككۋمۋلياتور جانە 6 كەلىدەن اسا بالىق الىندى.
اتالعان دەرەك بويىنشا قازاقستان رەسپۋبليكاسى قىلمىستىق كودەكسىنىڭ 335-بابىنىڭ 3-بولىگىمەن تەرگەپ-تەكسەرۋ امالدارى جۇرگىزىلۋدە.
