ءساۋىر ايىنىڭ سوڭىندا ەلىمىزدەگى توتەنشە جاعدايدى قامتاماسىز ەتۋ جونىندەگى مەملەكەتتىك كوميسسيانىڭ شۇعىل شتابى 4 مامىردان باستاپ دالادا سپورتپەن شۇعىلدانىپ, جاتتىعۋ جاساۋعا رۇقسات بەرگەن بولاتىن. وسىلايشا «اقتوبە» كلۋبى قازاقستاننىڭ كاسىپقوي فۋتبول ليگاسى باسشىلىعىمەن كەلىسە وتىرىپ, جاتتىعۋ جۇمىستارىن باستادى.
كوماندانىڭ العاشقى جاتتىعۋى بۇگىن اقتوبەدەگى قوبىلاندى باتىر اتىنداعى ورتالىق ستاديوندا وتەدى. كارانتينگە بايلانىستى ەلىمىزدە فۋتبول ماۋسىمىنىڭ ءۇزىلىسى ءبىر جارىم ايعا سوزىلدى. بۇگىننەن باستاپ وزگە كوماندالار دا جاتتىعۋ جيىنىنا كىرىسەدى.
ايتا كەتەيىك, فۋتبولدان قازاقستان بىرىنشىلىگىنىڭ 5 دۇركىن جەڭىمپازى «اقتوبە» بىلتىر ەل چەمپيوناتىندا سوڭعى ورىن يەلەنىپ, ءبىرىنشى ليگاعا ءتۇسىپ قالعان ەدى.
