30 ساۋىردە جاڭاقورعان كەنتىندە ءتورت جاسار بالا كوشەدە ويناپ ءجۇرىپ, اداسىپ كەتكەن. بالانىڭ ۇيدەن شىعىپ كەتكەنىن اكە-شەشەسى دە بايقاماي قالىپتى.
وسى كۇنى كەنت ورتالىعىندا قىزمەتتىك مىندەتىن اتقارىپ جۇرگەن اۋداندىق پوليتسيا ءبولىمىنىڭ ۋچاسكەلىك پوليتسيا ينسپەكتورى الماس ابدۋللاەۆ پەن ۋچاسكەلىك پوليتسيا ينسپەكتورىنىڭ كومەكشىسى ەرجان ايتجانوۆ كوشە بويىنداعى ءبىر قۋىستان كىشكەنتاي بالانىڭ داۋسىن ەستيدى. مۇنىڭ تەگىن ەمەستىگىن سەزگەن ولار الگى اۋماقتى شولىپ, قاراڭعى قۋىستان اداسىپ كەتكەن ءبۇلدىرشىندى تابادى. بالانىڭ ءوزى ەشتەڭە ايتا الماعان سوڭ پوليتسيا ءبولىمىنىڭ جەكە قۇرامىنا حابار بەرىپ, ونىڭ ءۇيىن تاۋىپ, اتا-اناسىنا كىشكەنتايدى امان-ەسەن تابىستادى.
وسىدان بىرنەشە كۇن بۇرىن عانا الماس ابدۋللاەۆ پەن ەرجان ايتجانوۆ ءوز-وزىنە قول جۇمساماق بولعان اۋدان تۇرعىنىن قۇتقارىپ قالعان بولاتىن.
