ايماقتار • 04 مامىر، 2020

اتىراۋ: قۇرىلىس نىساندارى قاتاڭ باقىلانادى

169 رەت كورسەتىلدى

اتىراۋ وبلىسىندا سالىنىپ جاتقان كەيبىر قۇرىلىس نىساندارىنىڭ ساپاسى تالاپقا ساي ەمەس. بۇل تۋرالى وبلىس اكىمى ماحامبەت دوسمۇحامبەتوۆ ءمالىم ەتتى.

اكىمنىڭ پىكىرىنشە، ەندى قۇرىلىس نىسانداردىڭ ساپاسى مەن قاۋىپسىزدىگىنە، جوبالاۋ-سمەتالىق قۇجاتتاما دايىنداۋ كەزىندەگى بۇزۋشىلىقتارعا نازار اۋدارىلادى. ويتكەنى، مۇنداي كەمشىلىكتەر ورىن السا،  قۇرىلىستى جۇرگىزۋ مەرزىمى سوزىلادى. ءتىپتى باستاپقى جوسپارلاردى وزگەرتۋگە  تۋرا كەلەدى. 

وبلىستىق قۇرىلىس باسقارماسىنىڭ باسشىسى مالىك امانوۆتىڭ مالىمەتىنە سۇيەنسەك، قازىر وڭىردە 62 نىساننىڭ قۇرىلىسى جۇرگىزىلىپ جاتىر. سونداي-اق  44 نىساننىڭ جوبالاۋ-سمەتالىق قۇجاتتاماسى جاسالىپتى.  بيىلعى ءبىرىنشى توقساندا مادەنيەت ءۇيى، بالاباقشا، وقۋشىلار مەن جاستار سارايى، جاتاقحانا سەكىلدى  توعىز  نىسان پايدالانۋعا بەرىلدى. ەندى ەكىنشى توقساندا سەگىز نىساننىڭ قۇرىلىسىن اياقتاۋ جوسپارلانىپ وتىر.  

–نىساندار ۋاقىتىلى  تاپسىرىلۋى ءتيىس. سالىنعان نىسانداردىڭ ساپاسىنا كوڭىل ءبولىنۋى كەرەك. ەشقانداي سىن كوتەرمەيتىندەرى  بار. ءبارى ەمەس ارينە، بىراق، مۇنداي دەرەكتەردىڭ بارى راس. اتىراۋ قالاسى مەن اۋدانداردىڭ اكىمدەرىنە الەۋمەتتىك نىسانداردىڭ قۇرىلىسىن باقىلاۋدى تاپسىرامىن،- دەدى  وبلىس اكىمى ماحامبەت دوسمۇحامبەتوۆ.

سوڭعى جاڭالىقتار

تۇركىستان جاسىل قالاعا اينالۋدا

وڭتۇستىك قازاقستان • كەشە

ۇقساس جاڭالىقتار