ءىس-شارا بارىسىندا ول قاي ساناتتاعى ادامداردىڭ كوممۋنالدىق قىزمەت اقىسىن مەملەكەت تولەيتىنىن ايتتى.
«پرەزيدەنت كارانتين ەنگىزىلگەن ەلدى مەكەن تۇرعىندارى ءۇشىن كوممۋنالدىق تولەمدەردى تومەندەتۋ تۋرالى تاپسىرماسىن ورىنداۋ ماقساتىندا يندۋستريا جانە ينفراقۇرىلىمدىق دامۋ ءمينيسترىنىڭ بۇيرىعىمەن كوممۋنالدىق قىزمەتتەردى جەتكىزۋشىلەردىڭ شىعىندارىن وتەۋ قاعيدالارى بەكىتىلدى. مىناداي ساناتتارعا كومەك كورسەتىلەدى: ءى, ءىى جانە ءىىى توپ مۇگەدەكتەرى, مۇگەدەك بالا تاربيەلەپ وتىرعان وتباسىلار, كوپ بالالى وتباسىلار, ۇلى وتان سوعىسى قاتىسۋشىلارى جانە ولارعا تەڭەستىرىلگەن ادامدار, ەڭ تومەنگى زەينەتاقى الاتىن زەينەتكەرلەر جانە اتاۋلى الەۋمەتتىك كومەك الاتىن ازاماتتار. شىعىنداردى وتەۋ بويىنشا ايتار بولساق, ءساۋىر جانە مامىر ايلارىنا ءار ايعا 15 مىڭ تەڭگەدەن تولەنەدى. تولەمدەر تەك اكىمدىككە بەرىلگەن ءوتىنىش نەگىزىندە جۇزەگە اسىرىلادى», دەيدى قۇرىلىس جəنە تۇرعىن ءۇي̆-كوممۋنالدىق شارۋاشىلىق ىستەرى كوميتەتى توراعاسىنىڭ ورىنباسارى بەي̆بىت شاحانوۆ.
ونىڭ سوزىنشە, جوعارىداعى توپقا جاتاتىن ازاماتتار اقپاراتتىق جۇيە نەمەسە ساll-ورتالىق ارقىلى ءوتىنىم بەرۋى كەرەك.
«جسن, الەۋمەتتىك مارتەبە جانە جەكە ەسەپشوتتى اۋىزشا ايتساڭىز جەتكىلىكتى. بىزگە ءوز بەتىمەن ءوتىنىم بەرۋ قيىنعا سوعاتىنىن ايتىپ حابارلاساتىندار بار. مۇنداي جاعدايدا ونىڭ اتىنان ءوتىنىمدى جاقىندارى بەرە الادى. سول ادامنىڭ جاقىنى ەكەنىن دالەلدەيتىن قۇجات تالاپ ەتىلمەيدى. ءوتىنىمدى قابىلداعان اكىمدەر مالىمەتتەردى تەكسەرەدى. ماقۇلدانعان جاعدايدا ەسەپشوتقا اي سايىن 15 مىڭ تەڭگە تۇسەدى. اكىمدىك وتىنىمدەردى قابىلداي باستادى. 15 مىڭ تەڭگە الۋعا بولاتىنى راستالعان ادامدار ەكى اي ءۇشىن 30 مىڭ تەڭگە الادى. اكىمدىكتەر ءوتىنىم بەرۋگە ارنالعان رەسۋرستاردى قۇرۋ بويىنشا بەلسەندى جۇمىس جۇرگىزۋدە. بۇگىنگى تاڭدا اكىمدىكتەر ءتۇسىندىرۋ جۇمىستارىن بەلسەندى جۇرگىزىپ جاتىر», دەدى ول.
سونىمەن قاتار ول كوممۋنالدىق قىزمەتتەر ءۇشىن تولەيتىن قىزمەتاقى 30 مىڭنان از بولسا, ارتىلعان اقشا كەلەسى ايدىڭ كوممۋنالدىق قىزمەتتەرىنە تولەنەتىنىن ايتتى.
«كومەك قاعيدادا كورسەتىلگەن ساناتتارعا جاتاتىن, كوممۋنالدىق قىزمەت كورسەتۋشىلەرمەن ءوز اتىنان كەلىسىمشارت جاساعان جانە كارانتين ەنگىزىلگەن ەلدى مەكەندە تۇراتىن ادامداردىڭ بارلىعىنا كورسەتىلەدى. مۇگەدەك بالا تاربيەلەپ وتىرعان جانە كوپ بالالى وتباسىلار, مەملەكەتتىك جانە قوعامدىق قىزمەتىن, اسكەري بورىشىن وتەپ جۇرگەن كەزدە قازا تاپقان ادامداردىڭ وتباسى مۇشەلەرىنىڭ ءبىرىنىڭ قىزمەت كورسەتۋشىلەرمەن شارتى بولۋى ءتيىس. جانە دە كوممۋنالدىق قىزمەتتەر ءۇشىن تولەيتىن قىزمەتاقى 30 مىڭنان از بولسا, ارتىلعان اقشا كەلەسى ايدىڭ كوممۋنالدىق قىزمەتتەرىنە تولەنەدى», دەدى ب.شاحانوۆ.
ءسوز سوڭىندا ب.شاحانوۆ الدىن الا بولجام بويىنشا, 1 600 مىڭ ادام كوممۋنالدىق قىزمەتتەردى تولەۋگە كومەك الاتىنىن ايتتى.
