ايماقتار • 04 مامىر، 2020

كارانتيننەن قۇتىلاتىن كۇن جاقىن

191 رەت كورسەتىلدى

كارانتين قۇرساۋىنىڭ بوساڭسىعانى كاسىبى توقتاپ، قالتاسى جۇقارعان ءبىراز جۇرتتىڭ كوڭىلىنە ءۇمىت وتىن جاقتى. مىسالى، قاراعاندى وبلىسىندا تەمىرتاۋ قالاسىنان باسقا ەلدى مەكەندەردە حالىققا قىزمەت كورسەتەتىن بىرقاتار نىساننىڭ جۇمىسى قايتادان جانداناتىن بولدى. بۇل تۋرالى ارنايى بريفينگ بارىسىندا قاراعاندى وبلىسىنىڭ باس مەملەكەتتىك سانيتارلىق دارىگەرى قانات اسقاروۆ مالىمدەدى.

سونىمەن مامىر ايىنىڭ 4-ىنەن باستاپ كارانتيننىڭ تىزىمىنە كىرگەن قالالار مەن ەلدى مەكەندەردىڭ تۇرعىندارى الدىن الا جازىلۋ بويىنشا شاشتاراز جانە سۇلۋلىق سالوندارى قىزمەتتەرىن پايدالانا باستايدى. اقشا ايىرباستاۋ پۋنكتتەرىنە جانە ازىق-ت ۇلىكتەن دە وزگە تاۋارلار ساتاتىن دۇكەندەرگە بارا الادى. گازەت-جۋرنال دۇڭگىرشەكتەرى مەن باسپا ونىمدەرىن ساتۋ نۇكتەلەرى دە جۇمىس ىستەي باستايدى.

دۇكەن دەمەكشى، اۋماعى 500 شارشى مەتر­دەن اسپايتىن بارلىق ساۋدا نۇكتەلەرى ساعات كەشكى سەگىزگە دەيىن جۇمىس ىستەيتىن بولادى.

بۇدان بولەك، رۇقسات العان تىزىمدە فوتوسالوندار، گۇل ساتاتىن دۇكەندەر بار. تۇرعىندار الدىن الا جازىلىپ، ستوما­تولوگيالىق كابينەتتەر مەن كلينيكالارعا بارا الادى. ميكروقارجى جانە ساقتان­دىرۋ ۇيىمدارى، جارناما اگەنتتىكتەرى، جىلجىمايتىن م ۇلىك كومپانيالارى، باسپاحانالار، لومباردتار، ايىرباستاۋ پۋنكتتەرى، اقپاراتتىق-كوممۋنيكاتسيالىق تەحنولوگيالار كاسىپورىندارى، جەكە سوت ورىنداۋشىلارى، زاڭدى جانە نوتاريالدىق كەڭسەلەر قىزمەتىنە كىرىسەدى.

– مامىردىڭ تورتىنەن باستاپ دالادا جەكە سپورتتىق ساباقتار وتكىزىپ، جاتتىعۋلار جاساۋعا رۇقسات ەتىلەدى. سونداي-اق 1 مامىر كۇنى ساعات 00.00-دەن باستاپ سانيتارلىق شارالاردى ساقتاي وتىرىپ، قاراعاندى وبلىسىنىڭ بارلىق اۋماعىندا ساياجاي ۋچاسكەلەرىنە جول اشىلادى، – دەپ كەتپەن-كۇرەگىن سايلاپ وتىرعان اعايىندى دا قۋانتىپ قويدى قانات اسقاروۆ.

ءسوزىنىڭ سوڭىندا وبلىستىڭ باس ساني­تار­لىق دارىگەرى جۇمىسى قايتا جانداناتىن نىسانداردىڭ سانيتارلىق-ەپيدە­ميالىق قاۋىپسىزدىك تالاپتارىن قامتاماسىز ەتە وتىرىپ اشىلۋى ءتيىس ەكەنىن ەسكە سالدى.

 

قاراعاندى وبلىسى

 

سوڭعى جاڭالىقتار

اراق اۋرۋدان ايىقتىرمايدى

كوروناۆيرۋس • 10 شىلدە، 2020

پنەۆمونياعا باسقا اتاۋ بەرىلۋى مۇمكىن

كوروناۆيرۋس • 10 شىلدە، 2020

كوروناۆيرۋس ىندەتى 3 كەزەڭنەن تۇرادى

كوروناۆيرۋس • 10 شىلدە، 2020

ۇقساس جاڭالىقتار