تەگىن تاكسي بولۋ دا – وڭاي شارۋا ەمەس. بىرىنشىدەن – استىڭداعى كولىگىڭدى «جۇمىسقا سالاسىڭ». كولىك سۋمەن جۇرمەيدى, بەنزين قۇيۋ كەرەك. ول – ەكى. تەگىن دەگەندى پايدالانىپ قالعىسى كەلىپ, بەي-بەرەكەت حابارلاسا بەرەتىن, رازى بولۋدىڭ ورنىنا بۇلداناتىن, قۇرمەت قىلۋدىڭ ورنىنا مىندەت قىلاتىن ادامدار تاعى بار. ولارعا سابىر ەتۋ كەرەك. ول – ءۇش. 9 ساعاتقا جۋىق ۋاقىتىڭ كەتەدى. ونى ءتورت دەپ قويىڭىز.
رامازان دا, مەيرامبەك تە بايلىعىن قايدا قويارىن بىلمەگەسىن, تەگىن قىزمەت جاساپ جۇرگەن جوق. نيەتتەرى – ەلدىڭ باتاسىن الۋ, قاسيەتتى ايعا قۇرمەت, سول ارقىلى اللانىڭ رازىلىعىنا بولەنۋ. ايتپەسە بىرەۋى – قاراپايىم مۇعالىم, ءبىرى – اۋدانداعى تەاتردىڭ ءارتىسى.
– ساۋاپتى ىستەرىڭىزدى جازايىق! – دەگەنىمىزدە ەكەۋى دە ات-توندارىن الا قاشتى. بىراق ەل جاستاردىڭ جاقسىلىعىن ءبىلسىن, ۇلگى السىن دەگەن ويمەن جاريالاپ, جازدىق. اتتارىن اتاماۋعا دا بولار ەدى, بىراق مەيرامبەك پەن رامازاننىڭ ورازاداعى جاقسىلىعىن جارتى جىمپيتى بىلەدى ەكەن.
ەگەر جىگىتتەرگە رازى بولىپ, ىستەرىنە جاردەم بەرەم دەسەڭىزدەر, كۇندىك جانارمايلارىن قۇيىپ بەرۋگە بولادى. سەبەبى, ولار ورازانىڭ اياعىنا دەيىن قىزمەت قىلماق.
باۋىرجان شيرمەدين ۇلى
باتىس قازاقستان وبلىسى,
سىرىم اۋدانى
