ايماقتار • 02 مامىر، 2020

توتەنشە جاعداي: ماقتاارال اۋدانىن سۋ باسىپ جاتىر

1061 رەت كورسەتىلدى

ماقتاارال اۋدانىنىڭ اكىمى، اۋداندىق توتەنشە جاعداي شتابىنىڭ توراعاسى باقىت اسانوۆ توراعالىعىمەن 2 مامىر كۇنى تۇنگى 00:00-دە شتاب مۇشەلەرىمەن ارنايى جيىن ءوتىپ، توتەنشە جاعداي جاريالاۋعا تاپسىرما بەرىلدى.

كەشە تاڭاتا وزبەكستاننىڭ سىرداريا وبلىسىنداعى ساردابا سۋ قويماسىنىڭ 6-پيكەت قابىرعاسى جارىلىپ، سۋ تاسقىنى ورىن العان-دى. سالدارىنان ايماقتىڭ بىرنەشە ەلدىمەكەنىن سۋ باسقان.

ءبىر تاۋلىككە جەتەر-جەتپەس ۋاقىت ىشىندە اعىن سۋ وزبەكستانمەن شەكارالاس تۇركىستان وبلىسى ماقتاارال اۋدانىنا قاراستى جەڭىس، نۇرلى جول جانە جاڭا تۇرمىس اۋىلىنا جەتكەن. ماقتاارال اۋدانى اكىمدىگى دەر كەزىندە قاجەتتى شارالاردى قولعا الىپ، اعىن سۋ جەتپەي اتالعان اۋىل تۇرعىندارىن اۋدان ورتالىعى مىرزاكەنت قالاسىنداعى مەكتەپتەرگە ەۆاكۋاتسيالاعان.

ماقتاارال

«ماقتاارال اۋدانى شەكاراسىنداعى «تسەنترالنىي گولودنوستەپنىي كوللەكتور (تسگك)» وتكىزۋ قۋاتى سەكۋندىنا 120 م3 بولسا، اعىن سۋدىڭ قاتتىلىعىنا قاراي سەكۋندىنا 180 م3 بولۋى سەبەپتى سۋ ارناسىنان شىعىپ، 02.05.2020 جىلى ساعات 01-30 مينۋت وتكەندە جاڭاجول اۋىلدىق وكرۋگىنە قاراستى جەڭىس جانە ەڭبەكشى اۋىلدىق وكرۋگىنە قاراستى جاڭاتۇرمىس ەلدى مەكەنىنە سۋ باسۋ قاۋپى تۋىندادى.

جەڭىس اۋىلىندا 288 ءۇي، 1922 تۇرعىنى بار. ونىڭ ىشىندە 568 ەر ادام، 546 ايەل ادام، 808 بالالار مەن جاسوسپىرىمدەر. سونداي-اق جاڭا تۇرمىس اۋىلىندا 47 ءۇي، 321 تۇرعىن بار. ونىڭ ىشىندە 169 ەر ادام، 152 ايەل ادام، 132 بالالار مەن جاسوسپىرىمدەر بار. تۇرعىنداردى ەۆاكۋاتسيالاۋعا 6 اۆتوبۋس (300 ادامدىق)، 4 كاماز (120 ورىندىق)، تجد 6 تەحنيكا مەن 36 ادام، پوليتسيا بولىمىنەن 7 تەحنيكا مەن 70 ادام جۇمىلدىرىلدى. مىرزاكەنت كەنتىندە 4 ەۆاكۋاتسيالىق پۋنكتتە 2200 ورىن دايىندالعان»، دەپ حابارلاندى ماقتاارال اۋدانى اكىمدىگىنىڭ الەۋمەتتىك جەلىدەگى رەسمي پاراقشاسىندا.

ماقتاارال

ساعات 05:00 شاماسىندا جوعارىدا اتى اتالعان ءۇش اۋىلدى تولىق سۋ باسقان. ارادا جارتى ساعات وتكەندە اكىمدىك مىرزاكەنت كەنتىنە دە سۋ باسۋ قاۋپى تۋىنداعانىنا بايلانىستى، تۇرعىنداردى ەندى اتاكەنت كەنتىنە ەۆاكۋاتسيا جاساۋ باستالعانىن حابارلادى.

تاڭعى ساعات 07:00 ۋاقىت بويىنشا ماقتاارال اۋدانىنىڭ تۇرعىندارىن ءالى دە قاۋىپسىز ايماققا كوشىرۋ جالعاسىپ جاتىر. جەرگىلىكتى تۇرعىنداردىڭ ايتۋىنشا، ادامدار جەكە باسىنىڭ قامىن ويلاماي، قولدان كەلگەنشە ءبىر-بىرىنە كومەك قولىن سوزۋدا.

وقيعا ورنىندا حابار تاراتىپ جۇرگەن شىمكەنتتىك جۋرناليست ولجاس مامىر الەۋمەتتىك جەلىدەگى پاراقشاسىندا جەڭىس اۋىلىندا ەرىكتىلەر توتەنشە جاعداي قىزمەتتىڭ ەكى ازاماتتى قۇتقارىپ قالعاننىن جازدى. ولار اۋىل تۇرعىندارىن ەۆاكۋاتسيالاپ ءجۇرىپ، وزدەرى سۋدا قالىپ قويعان. سونىمەن قاتار ءبىر وزبەكستان ازاماتى ولگەن جىلقىعا جارماسىپ، اعىن سۋمەن ءتۇن ىشىندە جەڭىس اۋىلىنا جەتكەندە ونى جەرگىلىكتى تۇرعىندار قۇتقارىپ العان. ازاماتتى دەرەۋ مەديتسينا قىزمەتكەرلەرى اۋرۋحاناعا الىپ كەتتى دەپ جازدى.

ولجاس مامىر

ساعات 08:35-تە تۇركىستان وبلىسى وڭىرلىك كوممۋنيكاتسيا قىزمەتى ماقتاارال اۋدانىنداعى اپاتتى-قۇتقارۋ جۇمىستارىنا تو تجد-ءنىڭ جەكە قۇرامىنان 138 ادام، 8 تەحنيكا (1 گاز-66، ۋاز-390995)، شىمكەنت قالاسىنان «وسو» مم 5 ادام، 2 دانا قايىق، 1 تەحنيكا، 2 دانا ۆاحتالىق اۆتوبۋسى، جەكە قۇرامنان 12 مامان، 4 دانا مپ-100 موتوپومپاسى، 2 ۇرلەنبەلى قايىق، 10 ل-1 جيىنتىعى (سۇڭگۋىرلەر كيىمى) كەلگەنىن حابارلادى. سونىمەن قاتار ۇلتتىق گۆارديانىڭ 6506 بولىمشەسىنەن 300 ادام، 300 ورىندىق 6 اۆتوبۋس، 120 ورىندىق ۆ، ۆاحتالىق 4 كاماز، اۋداندىق پوليتسيا ءبولىمىنىڭ 7 تەحنيكاسى مەن 70 قىزمەتكەر، جەرگىلىكتى اتقارۋشى ورگاننان 40 قىزمەتكەر، 5 تەحنيكا تارتىلعان.

ماقتاارال اۋدانى اكىمىنىڭ ءباسپاسوز حاتشىسى دىنمۇحامەد ايازبەكوۆتىڭ حابارلاۋىنشا، جاعداي ازىرشە تۇراقتى. ادام شىعىن جوق. 

سوڭعى جاڭالىقتار

باس قالا تاريحى قامتىلعان كورمە

رۋحانيات • بۇگىن، 13:36

260 ناۋقاس رەانيماتسيادا جاتىر

قازاقستان • بۇگىن، 11:50

شەكارادا شەكتەۋ بار

قازاقستان • بۇگىن، 11:13

سويلە، سۋرەت!

قازاقستان • بۇگىن، 07:17

الەم بىرىنشىلىگى بيىل وتەدى

كۇرەس • بۇگىن، 07:15

جاھانعا جۇرتىن تانىتقان

ەلباسى • بۇگىن، 07:10

تاعى دا ۋاقىتشا توقتاتىلدى

سپورت • بۇگىن، 07:07

تەكەلىدە تۋتۇعىر ورنادى

ايماقتار • بۇگىن، 07:00

قالعىمايتىن قالا

وقيعا • بۇگىن، 06:58

الماتىدا ىندەت ءورشىپ تۇر

ايماقتار • بۇگىن، 06:50

قارقارالى قۋانىش قۇشاعىندا

ايماقتار • بۇگىن، 06:48

كۋبريننىڭ ۇيىندەگى كورمە

ونەر • بۇگىن، 06:46

ءبىلىم مەن عىلىمنىڭ استاناسى

ءبىلىم • بۇگىن، 06:45

رەكوردتار كىتابىنا كۇيمەن كىردى

رۋحانيات • بۇگىن، 06:40

يتاليادا ونەر كورسەتەدى

سپورت • بۇگىن، 06:40

الىپساتارلار قاتاڭ جازالانادى

ەكونوميكا • بۇگىن، 06:30

تەلەفون ارقىلى سويلەستى

ەلباسى • بۇگىن، 06:20

ۇبت-2020 مارەسىنە جەتتى

ءبىلىم • بۇگىن، 06:15

ەلباسى اشقان اكادەميا

ونەر • بۇگىن، 06:12

ەلوردادا قۇرىلىس ەكپىندى

ايماقتار • بۇگىن، 06:12

باس قولباسشى

ەلباسى • بۇگىن، 06:05

استانا پروتسەسى

ساياسات • بۇگىن، 06:02

ۇقساس جاڭالىقتار