قاۋىپتى ىندەتتى جۇقتىرۋ قاۋپى بار توپقا شەتەلگە شىعاتىن تۇلعالار, ىشكى ىستەر جانە قورعانىس مينيسترلىكتەرىنىڭ, ۇلتتىق قاۋىپسىزدىك كوميتەتى دەپارتامەنتتەرىنىڭ, شۇعىل كومەك كورسەتەتىن قالا مەن اۋدان اكىمدىكتەرىنىڭ قىزمەتكەرلەرى, ۇلتتىق ۇلان وكىلدەرى جاتادى. تەگىن تەستتەن ايماقتىڭ تىنىس-تىرشىلىگىن قامتاماسىز ەتەتىن ۇيىمدار مەن الەۋمەتتىك مەكەمەلەردىڭ, باق-تىڭ وكىلدەرى مەن ينفەكتسيالىق, پروۆيزورلىق جانە كارانتيندىك ستاتسيونارلاردىڭ مەديتسينالىق قىزمەتكەرلەرى دە وتەدى.
– پتر جانە ەكسپرەسس-تەستتەر ينفەكتسيانى جۇقتىرۋ قاۋپى بار توپقا جاتاتىن ادامدار ءۇشىن بيۋدجەت ەسەبىنەن ساتىپ الىندى. الدىڭعى شەپتە جۇمىس ىستەپ جۇرگەن قىزمەتكەرلەر 17 ساۋىردەن بەرى وسىنداي تەستتەن وتكىزىلۋدە. قازىرگە دەيىن اتىراۋ وبلىسىنىڭ مىڭعا جۋىق تۇرعىنىنان سىناما الىندى. ال قالعان بولىگىن جاقىن ارادا وتكىزۋ جوسپارلانىپ وتىر, - دەپ حابارلادى وڭىرلىك جەدەل شتابتان.
سونداي-اق, ءوڭىردىڭ بارشا تۇرعىنىنا «وليمپ» زەرتحانا جەلىسىندە پتر-تەستتەن اقىلى تۇردە وتۋگە مۇمكىندىك بەرىلىپ وتىر.
