ەندى كولىك قوزعالىسىنا رۇقسات بەرەتىن ارنايى سايت اشىلدى. بىراق, رۇقسات كولىگى بار تۇلعالاردىڭ بارىنە بىردەي بەرىلمەيدى. بۇل قىزمەتكە وبلىستىق باس سانيتارلىق دارىگەردىڭ قاۋلىسىمەن جۇمىس ىستەۋگە رۇقسات ەتىلگەن كاسىپكەرلەر مەن كاسىپورىن باسشىلارى عانا جۇگىنە الادى.
ال جەكە تۇلعالار كولىگىن اتالعان سايتتا رەسىمدەي المايدى. ويتكەنى, بۇل جۇيە بەيىندى دەپارتامەنتتەردىڭ ەلەكتروندىق بازالارىمەن, سونداي-اق, «سەرگەك» دەرەكتەر بازاسىمەن جاساقتالىپ وتىر. دەمەك, سايتتا مەملەكەتتىك كىرىس, ستاتيستيكا جانە باسقا دا دەپارتامەنتتەردىڭ بازالارىنداعى دەرەكتەرمەن سالىستىرىلىپ, رۇقسات بەرۋ تۋرالى شەشىم اۆتوماتتى تۇردە قابىلدانادى. سودان كەيىن مالىمەتتەر پوليتسيا دەپارتامەنتىنىڭ بازاسىنا ەنگىزىلەدى.
جوبا جاساقتاۋشىلارىنىڭ ايتۋىنشا, پورتال اشىقتىق پەن ادام فاكتورىن ازايتۋ ءۇشىن ازىرلەنگەن.
