بەينەكونفەرەنتسيادا سالىقتىق پرەفەرەنتسيالار, قارجىلىق شارالار, مەملەكەتتىك ورگانداردىڭ مەملەكەتتىك ساتىپ الۋدى جۇزەگە اسىرۋ اياسىندا شارتتىق مىندەتتەمەلەردى ورىنداۋى, وتاندىق اۋىل شارۋاشىلىعى جانە قايتا وڭدەۋ كاسىپورىندارىنان ونىمدەردى كەپىلدى ساتىپ الۋ تەتىكتەرى, جەڭىلدەتىلگەن قارجىلاندىرۋ سياقتى تاقىرىپتار تالقىلاندى.
- كارانتين كەزەڭىنىڭ باسىنان باستاپ بىزگە كوپتەگەن وتىنىشتەر كەلىپ تۇسۋدە. ءبىز ءاربىر ماسەلەگە جەكە توقتالىپ, قارايمىز. كۇن سايىن ورتالىق اپپاراتقا ماڭىزدى سۇراقتار مەن ماسەلەنى جىبەرۋدەمىز. ال ورتالىق اپپارات كەلىپ تۇسكەن ماسەلەلەردى سارالاي وتىرىپ, ءتيىستى شەشىمدەر قابىلدايدى. كوپتەگەن وتىنىشتەردى ءوزىمىز شەشەمىز. بۇل نەگىزىنەن اۋداندار مەن قالالار اراسىنداعى قوزعالىسقا بايلانىستى سۇراقتار, - دەيدى الماتى وبلىسىنداعى وڭىرلىك كاسىپكەرلەر پالاتاسىنىڭ ديرەكتورى اسەت شاياحمەتوۆ.
بەينەكونفەرەنتسيادا كاسىپكەرلەر پالاتاسى وڭىرلىك كەڭەسىنىڭ ءتورايىمى, ىسكەر ايەلدەر كەڭەسىنىڭ جەتەكشىسى, «الماتينسكيە كراسكي» جشس ديرەكتورلار كەڭەسىنىڭ ءتورايىمى ريمما سالىقوۆا بيزنەستىڭ ءدال قازىرگى كەزدەگى جاعدايىن سارالاي كەلە, مەملەكەت پەن «اتامەكەن» ۇلتتىق كاسىپكەرلەر پالاتاسى تاراپىنان قولعا الىنعان داعدارىسقا قارسى شارانىڭ تەتىكتەرىنە توقتالدى.
