تاعايىنداۋ • 30 ءساۋىر، 2020

سەرىك سىدىقوۆ ورتالىق سايلاۋ كوميسسياسىنىڭ مۇشەسى بولىپ تاعايىندالدى

86 رەت كورسەتىلدى

پارلامەنت سەناتىنىڭ جالپى وتىرىسىندا ورتالىق سايلاۋ كوميسسياسىنىڭ مۇشەسى قىزمەتىنە سەرىك سىدىقوۆ بەكىتىلدى. ونىڭ كانديداتۋراسىن پالاتانىڭ جالپى وتىرىسىندا پارلامەنت سەناتىنىڭ توراعاسى داريعا نازارباەۆا ۇسىندى.

«ماعان بەرىلگەن قۇقىقتى پايدالانا وتىرىپ، ورتالىق سايلاۋ كوميسسياسى مۇشەسى قىزمەتىنە سەرىك سىدىقوۆتىڭ كانديداتۋراسىن ۇسىنامىن. سەرىك سلامجان ۇلىن جاقسى بىلەسىزدەر، ول بىلىكتى زاڭگەر. سەنات اپپاراتىندا 25 جىلدان استام ۋاقىت جاۋاپتى قىزمەتتەردى ابىرويمەن اتقاردى. پارلامەنتتەگى مول تاجىريبەسى ورتالىق سايلاۋ كوميسسياسى مۇشەسى قىزمەتىندە پايدالى بولادى دەپ سەنەمىن»، - دەدى پارلامەنت سەناتىنىڭ توراعاسى داريعا نازارباەۆا.

دەپۋتاتتار سەرىك سىدىقوۆتىڭ كانديداتۋراسىن بىراۋىزدان قولداپ، داۋىس بەردى.

سەرىك سىدىقوۆ 1962 جىلى تۋعان، جوعارى زاڭ ءبىلىمى بار. ءوزىنىڭ ەڭبەك جولىن 1 985 جىلى الماتى قالاسىندا «كازگيدرورىبپروەكت» ينستيتۋتى كادر ءبولىمىنىڭ اعا ينسپەكتورى رەتىندە باستاعان.

1986 جىلدان باستاپ قازاق كسر مەملەكەتتىك ەڭبەك كوميتەتى ءىس باسقارماسىنىڭ اعا ەكونوميسى، ازاماتتىق قورعانىس جانە ارنايى جۇمىس جونىندەگى ينسپەكتورى، كادر سەكتورىنىڭ ءبىرىنشى ساناتتاعى مامانى، ءبىرىنشى ساناتتاعى ەكونوميسى (زاڭگەر).

1991 جىلدان باستاپ ەڭبەك مينيسترلىگى ەڭبەكتى قۇقىقتىق رەتتەۋ ءبولىمىنىڭ باس زاڭگەر-كونسۋلتانتى، مەملەكەتتىك جۇمىسپەن قامتۋ ينسپەكتسياسىنىڭ باستىعى – جۇمىسپەن قامتۋ باس باسقارماسى باستىعىنىڭ ورىنباسارى، ەڭبەكتى قۇقىقتىق رەتتەۋ ءبولىمىنىڭ باس مامانى.

1994 جىلدان باستاپ «تۇران-اگرو» فيرماسى زاڭ ءبولىمىنىڭ مەڭگەرۋشىسى بولىپ جۇمىس ىستەدى.

1995 جىلدان باستاپ قازاقستان رەسپۋبليكاسى پرەزيدەنتىنىڭ جوعارعى كەڭەستەگى وكىلدىگىنىڭ اعا ساراپشىسى.

1996 جىلدان باستاپ پارلامەنت سەناتى اپپاراتى ساراپتاما ءبولىمىنىڭ كونسۋلتانتى، سەكتور مەڭگەرۋشىسى، ءبولىم مەڭگەرۋشىسىنىڭ ورىنباسارى، اكىمشىلىك ءبولىمىنىڭ مەڭگەرۋشىسى.

2007 جىلدان باستاپ پارلامەنت سەناتى اپپاراتى باسشىسىنىڭ ورىنباسارى، ءبىرىنشى ورىنباسارى.

2016 جىلدان باستاپ پارلامەنت سەناتى اپپاراتىنىڭ باسشىسى.

2020 جىلدان باستاپ پارلامەنت سەناتى توراعاسىنىڭ كەڭەسشىسى قىزمەتىن اتقاردى.

 

سوڭعى جاڭالىقتار

ۇقساس جاڭالىقتار