وكىنىشكە قاراي, وبلىستىق جەر قاتىناستارى بويىنشا سىبايلاس جەمقورلىق تاۋەكەلىن ساراپتاعان جۇمىستىڭ ناتيجەسى كوڭىل كونشىتپەي تۇر. ياعني, بۇل سالادا تۇرعىندارعا قاجەتتى بىرقاتار اقپاراتتار ءالى دە كومەسكى ەكەن. اسىرەسە, اۋماقتاعى بوس جاتقان جەر تەلىمدەرى تۋرالى حابارلامالار مەن اقپاراتقا قولجەتىمدىلىكتە شەكتەۋ بارى انىقتالدى. سونداي-اق, جەر تەلىمدەرىن پايدالانۋعا بەرۋ راسىمدەرىنىڭ جانە جەر كوميسسيالارى جۇمىسىنىڭ اشىقتىعى ساقتالماي وتىر. ال كورسەتكىشتەر تۇتاس سىبايلاس جەمقورلىقتىڭ تۋىنداۋىنا ىقپال ەتەتىن نەگىزگى فاكتورعا اينالۋدا.
- جالپى, جەر قاتىناستارى سالاسى تەك ءبىزدىڭ وبلىستا عانا ەمەس, ەلىمىز بويىنشا دا سىبايلاس جەمقورلىق تاۋەكەلدەرىنە نەعۇرلىم بەيىم سالالاردىڭ ءبىرى ەكەنى جاسىرىن ەمەس. مىسالى, 2019 جىلى «ترانسپارەنسي قازاقستان» ۇيىمى جۇرگىزىلگەن الەۋمەتتىك زەرتتەۋ ناتيجەلەرى بويىنشا جەر ۋچاسكەسىن الۋ, رەسىمدەۋ سىبايلاس جەمقورلىققا جول اشاتىن 5 نەگىزگى سەبەپتىڭ ءبىرى رەتىندە اتالدى وكىنىشكە قاراي, جەر ماسەلەلەرى بويىنشا سىبايلاس جەمقورلىققا قارسى انتيرەيتينگتە الماتى وبلىسى الدىڭعى ورىنعا شىققان بولاتىن. قازىر ءبىز بۇل باعىتتاعى جۇمىستى كۇشەيتتىك. مۇنداعى ماقسات, جەر قاتىناستارىنا قاتىستى بارلىق اقپاراتتاردى اشىق ءارى قول جەتىمدى بولۋدى قالىپتاستىرا وتىرىپ, جەمقورلىقتىڭ تامىرىنا بالتا شابۋ بولىپ وتىر, - دەيدى سىبايلاس جەمقورلىققا قارسى ءىس-قيمىل اگەنتتىگىنىڭ الماتى وبلىسى بويىنشا دەپارتامەنتى باسشىسىنىڭ ءبىرىنشى ورىنباسارى جاندوس جۇماباەۆ.
قۇزىرلى ورگاننىڭ مالىمەتىنشە, جەر قاتىناستارى سالاسىنداعى جەمقورلىقپەن كۇرەس جىل وتكەن سايىن كۇشەيىپ, پارا الۋعا نيەتتى شەنەۋنىكتەردىڭ ءبىر توبىنىڭ قولىنا كىسەن سالىنىپتى. مىسالعا, 2018 جىلى الماتى وبلىسى بويىنشا سىبايلاس جەمقورلىققا قارسى قىزمەتى وسى سالاداعى 29 قۇقىق بۇزۋشىلىقتى تىركەگەن. ونىڭ ىشىندە پارا العان 6 شەنەۋىنىك ۇستالىپ, جازالانىپتى. ۇستالعانداردىڭ بەسەۋى مەملەكەتتىك قىزمەتتە ءبىرىنىش باسشى بولىپ جۇمىس ىستەگەن. ال بىلتىر وسى مازمۇنداعى 7 قىلمىس انىقتالعان ەكەن. قىلمىسى دالەلدەنگەن جىلى 5 ادام سوتتالدى.
وكىنىشكە قاراي, جىل باسىنان بەرى وبلىستىڭ جەر قاتىناستارى سالاسىندا جەمقورلىق تاۋەكەلى وسكەنى انىقتالدى. اگەنتتىك قىزمەتكەرلەرى بۇل باعىتتا11 قىلمىستىق قۇقىق بۇزۋشىلىقتى تىركەگەن. ونىڭ توعىزى بويىنشا سىيبايلاس جەمقورلىققا قاتىستى ايىپ تاعىلعان ەكەن.
