اتاپ ايتقاندا, جەڭىلدىكتەر ازاماتتاردىڭ سەرۋەندەۋىنە رۇقسات بەرۋگە قاتىستى. سونىمەن قاتار, ەندى بالالارعا تۇرعىن ءۇي اۋلالارىنداعى بالالار ويىن الاڭدارى اۋماعىندا سەرۋەندەۋگە رۇقسات بەرىلدى. مۇنى تەك اتا-انالاردىڭ باقىلاۋىمەن ساعات 10.00-دەن 18.00-گە دەيىن جاساي الادى. بۇل رەتتە بالالاردىڭ ويىن الاڭدارىندا كوپتەپ جينالۋىنا جول بەرىلمەيدى, ال ولاردىڭ وزدەرى قورعاعىش بەتپەردەسىن كيۋى ءتيىس.
بۇدان باسقا, ەرەسەكتەرگە ءوز تۇرعىن ۇيلەرىنىڭ اۋلالارىنا كۇنىنە ەكى رەت - 6.00-دەن 12.00-گە دەيىن جانە 15.00-دەن 21.00-گە دەيىن سەرۋەنگە شىعۋعا رۇقسات بەرىلەدى, سونداي-اق ەكى مەتر اراقاشىقتىقتى جانە بەتپەردە رەجيمىن ساقتاۋ كەرەك.
ساياجاي ماۋسىمىنىڭ باستالۋى دا ەسكەرىلدى. ەندى شىمكەنتتىكتەر تەك قالا اۋماعىندا ورنالاسقان ساياجايلار مەن باقشالارعا بارا الادى, مۇنى تاڭعى ساعات التىدان باستاپ جاساۋعا بولادى, ال ساياجايدان كەشكى ساعات توعىزدان كەش قايتپاۋى ءتيىس. جولاۋشىنىڭ وزىمەن بىرگە ساياجايعا نەمەسە باقشاعا مەنشىك قۇقىعىن راستايتىن قۇجاتى بولۋى ءتيىس.
پوليتسيا دەپارتامەنتىنىڭ قىزمەتكەرلەرى قالاداعى ءتارتىپتى قاداعالايتىن بولادى. ولارعا قوعامدىق ورىنداردا جانە تۇرعىن ۇيلەردىڭ اۋلالارىندا سەرۋەندەۋگە رۇقسات ەتىلگەن ۋاقىتتى قوسپاعاندا ازاماتتاردىڭ جينالۋىنا جول بەرمەۋ تاپسىرىلدى.
ال كوممۋنالدىق قىزمەتتەر مەن اسكەري قىزمەتكەرلەردى تارتا وتىرىپ, اۋماقتاردى وڭدەۋ كارانتين تولىق اياقتالعانعا دەيىن جالعاسادى.
شىمكەنت
