̶ كرەديت – ىڭعايلى جانە كوبىنە اسا قاجەت قارجى قۇرالى. قارىزعا الىنعان اقشانى ەرتە مە, كەش پە ەسەپ ايىرىسۋ جانە كرەديتتى پايىزدارمەن, ال ەگەر كرەديتتى ونلاين كرەديتورلاردان الۋ قاجەت بولسا, ءتىپتى ۇلكەن پايىزدارمەن قايتارۋ كەرەك بولادى. قارىزدارعا قىزمەت كورسەتۋ بويىنشا ءوز مۇمكىندىكتەرىڭىزدى ءاردايىم ايقىن باعالاڭىز, ̶ دەيدى. ونىڭ ايتۋىنشا, كوروناۆيرۋس پاندەمياسى ادامنىڭ ەرتەڭگى كۇنىنە دەگەن سەنىمىنىڭ قانشالىقتى قاۋقارسىز ەكەنىن كورسەتتى. ەگەر داعدارىس ۇزاققا سوزىلسا, جاعداي وزگەرۋى مۇمكىن بە؟ بۇرىنعى جۇمىس ورنىڭىزدى ساقتاي الاسىز با الدە قازىرگى ۋاقىتتاعىداي كارانتيندە وتىرۋعا ءماجبۇر بولاسىز با؟ دەنساۋلىعىڭىز سىر بەرسا, كرەديت بويىنشا تولەمدەردى جۇزەگە اسىرا الاسىز با؟ وسى ماسەلەلەردى ايقىنداپ الىپ نەسيە الۋ كەرەكتىگىن ەسكەرتەدى قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ديرەكتورى.
ونىڭ ايتۋىنشا, بۇرىنعى جايباراقات ءومىردىڭ وزىندە قارىز الۋشىلاردىڭ بارلىعى كرەديتتىك ۇيىم الدىندا ءوز قارىزدارىن وتەي الماعان.
̶ ونلاين-قارىزدى وتباسىلىق بيۋدجەتىڭىزدىڭ ويسىراعان جەرىن «جامايتىن» تاسىلدەردىڭ ءبىرى دەپ قابىلداۋعا بولمايدى. ارينە, ونلاين-كرەديتورلاردان «جالاقىعا دەيىن كرەديت الا تۇرۋ» وڭاي ءتاسىل, الايدا قارىزدار بويىنشا تولەيتىن پايىزدارىڭىز ەكىنشى دەڭگەيدەگى بانكتەرمەن سالىستىرعاندا ايتارلىقتاي جوعارى بولادى. مۇنداي قارىزدار بويىنشا كرەديتتىك تولەمدەر بولاشاقتا وزىڭىزگە شامادان تىس اۋىرتپالىق تۇسىرەدى,- دەيدى قارجى رەتتەۋشىسىنىڭ وكىلى.
وسى رەتتە, اقشالاي سالىمدار ارقىلى جوعارى كىرىس الۋعا سەنىم تۇدىراتىن كۇماندى جوبالارعا اقشا سالۋدان ساق بولۋ كەرەك. داعدارىس كەزدەرىندە ادەتتەگىدەي, قارجىلىق الاياقتار بەلسەندى بولا باستايدى.
̶ ارينە, قىسقا مەرزىمدە كەرەمەت پايدا اكەلەتىن سيقىرلى قارجى قۇرالدارىنا قارجى سالۋ ءۇشىن قارىز الۋشىلار كرەديت الىپ, اقشالارىن تاۋەكەل ەتەدى. قارجىلىق الاياقتار ءوز «ويىندارىن» جۇرگىزىپ, پاندەميا جاعدايىندا تىپتەن بەلسەندى بولۋدا جانە ءتۇرلى الاياقتىق سحەمالاردى ويلاپ تاۋىپ جانە ىسكە اسىرا وتىرىپ, ازاماتتاردى ەبىن تاۋىپ توناپ ءجۇر, - دەيدى ا.تەرەنتەۆ.
