بۇگىن قالالىق سىبايلاس جەمقورلىققا قارسى قىزمەتى باسشىسى ا.جۇماعالي مەن پوليتسيا دەپارتامەنتىنىڭ باستىعى ە.جۇماحانبەتوۆتىڭ قاتىسۋىمەن جيىن ءوتتى.
ءىس-شارا بارىسىندا سىبايلاس جەمقورلىق قىلمىس جاساعان ىشكى ىستەر ورگاندارىنىڭ قىزمەتكەرلەرىنە قاتىستى قىلمىستىق ىستەر بويىنشا بىرقاتار ۇسىنۋلار قارالدى.
بريفينگ بارىسىندا ا.جۇماعالي توتەنشە جاعداي كەزىندەگى دەپارتامەنتتىڭ جۇمىسىنا, سونداي-اق سىبايلاس جەمقورلىققا قارسى ءىس-قيمىل بويىنشا قابىلدانىپ جاتقان شارالارعا توقتالدى.
«جەمقورلىقتى انىقتاۋعا جانە ونىڭ سەبەپتەرىن جويۋعا باعىتتالعان الدىن الۋ شارالارىن جاساقتاپ, دايىنداۋ ءبىزدىڭ ورتاق مىندەتىمىز.
وكىنىشكە وراي, بۇگىنگى تاڭدا پوليتسيا قىزمەتكەرلەرى سىبايلاس جەمقورلىق قۇقىق بۇزۋشىلىق سۋبەكتىلەرى بولىپ تابىلاتىن كەيبىر فاكتىلەر ورىن الۋدا.
سوندىقتان دا, وسى وتىرىستىڭ باستى ماقساتى, سىبايلاس جەمقورلىققا جول بەرمەۋ, ولاردىڭ الدىن الۋ بولىپ تابىلادى» - دەپ اتاپ ءوتتى اسحات جۇماعالي.
سىبايلاس جەمقورلىققا قارسى ءىس-قيمىل اگەنتتىگىنىڭ قالالىق دەپارتامەنتى باسشىسىنىڭ ورىنباسارى ب.ۋزىنجاس قىلمىستىق ىستەردىڭ ءمان-جايلارى, سونداي-اق سىبايلاس جەمقورلىق كورىنىستەرىنە جول بەرمەۋ بويىنشا ناقتى ۇسىنىستار ەنگىزە وتىرىپ بايانداما جاسادى.
ءوز كەزەگىندە قالالىق سىبايلاس جەمقورلىققا قارسى ءىس-قيمىل اگەنتتىگىنىڭ قالالىق دەپارتامەنتى باسشىسىنىڭ ءبىرىنشى ورىنباسارى ت.سەرىكباەۆ مەملەكەتتىك ورگانداردىڭ ءبىرىنشى باسشىلارىنىڭ قول استىنداعىلاردىڭ سىبايلاس جەمقورلىق قۇقىق بۇزۋشىلىقتار جاساعانى ءۇشىن جاۋاپكەرشىلىگى تۋرالى زاڭناما نورمالارىن ءتۇسىندىردى.
ۇسىنۋلاردى قاراۋ بارىسىندا پوليتسيا قىزمەتكەرلەرى اراسىنداعى سىبايلاس جەمقورلىق ارەكەتتەرىنە ىقپال ەتۋ سەبەپتەرى مەن جاعدايلارى ەگجەي-تەگجەيلى قارالدى.
ونلاين كەڭەس قورىتىندىسى بويىنشا شىمكەنت قالاسىنىڭ پوليتسيا باسشىلىعىنا بىرقاتار باسشىلاردى تارتىپتىك جاۋاپكەرشىلىككە تارتۋ جانە سىبايلاس جەمقورلىقتىڭ الدىن الۋ بويىنشا جۇمىستى كۇشەيتۋ ۇسىنىلدى.
ايتا كەتەيىك, جىل باسىنان بەرى 6 پوليتسيا قىزمەتكەرى قىلمىستىق جاۋاپكەرشىلىككە تارتىلىپ, 1 تۇلعاعا قاتىستى ايىپتاۋ ۇكىمى شىعارىلدى.
شىمكەنت
