وبلىستاعى قالا جانە اۋدان اكىمدەرىنىڭ ورىنباسارلارى, باسقارما باسشىلارى, سونداي-اق, مۇمكىندىگى شەكتەۋلى جانداردىڭ قۇقىقتارىن قورعاۋمەن اينالىساتىن قوعام وكىلدەرى بايلانىستا بولعان بۇل جيىندى وبلىس اكىمىنىڭ ورىنباسارى ابزال نۇكەنوۆ جۇرگىزىپ وتىردى.
جالپى, بۇگىنگى كۇندە قاراعاندى وبلىسىندا 67 مىڭنان استام مۇگەدەك جان تۇرادى ەكەن. وبلىس اكىمىنىڭ ورىنباسارى وسى ساناتقا جاتاتىن تۇرعىنداردى الەۋمەتتىك قولداۋعا جەرگىلىكتى بيۋدجەتتەن 1,1 ميلليارد تەڭگە بولىنگەنىن ءمالىم ەتتى. ياعني, بۇل سالاداعى قارجىلاي قول ۇشىن بەرۋ بىلتىرعى جىلمەن سالىستىرعاندا 20%-عا ارتقان.
–مۇمكىندىگى شەكتەۋلى جانداردىڭ پروبلەمالارىن جەتە ءبىلۋ ءۇشىن وزدەرىڭىزبەن ءجيى كەزەدەسەتىن بولامىز. بۇل ماسەلەلەردىڭ شەشىمىن ءبىز بىرىگىپ تابۋىمىز كەرەك. توتەنشە جاعداي رەجيمىنە بايلانىستى مەملەكەت قولداۋىنا قاتىستى كوپتەگەن ماسەلەلەر تۋىندادى. ءبىز ماسەلەسى شەشىلمەگەن ءبىر دە ءبىر ادامدى دالادا قالدىرمايمىز, – دەدى ابزال نۇكەنوۆ.
ءساۋىر ايىنىڭ وزىندە 70 مىڭنان استام تۇرعىنعا ازىق-ت ۇلىك جانە تۇرمىستىق جيىنتىقتار تۇرىندەگى كومەككە قاەجتتى قاراجات اۋدارىلعان ەكەن. «وسى اپتانىڭ سوڭىنا دەيىن كومەك الۋعا ءتيىستى ادامداردىڭ جەكە شوتتارىنا بارلىق تولەمدەر ءتۇسۋى ءتيىس», دەپ اتاپ ءوتتى ابزال نۇكەنوۆ.
بۇعان قوسا, وبلىستا 100 مىڭنان استام ادام كارانتين كەزىندە كوممۋنالدىق قىزمەت شىعىندارىن وتەۋ تىزىمىنە ەنگىزىلگەن. ولاردىڭ قاتارىندا ءى, ءىى جانە ءىىى توپتاعى مۇگەدەكتەر مەن مۇگەدەك بالالاردى اسىراپ وتىرعان وتباسىلار دا بار.
سونىمەن قاتار ابزال نۇكەنوۆ بۇگىنگى كۇندە قاراعاندى وبلىسىنىڭ 250 مىڭ تۇرعىنى 42 500 تەڭگە كولەمىندە الەۋمەتتىك تولەم العانىن ءمالىم ەتتى. ولاردىڭ اراسىندا مۇمكىندىگى شەكتەۋلى جاندار دا بار.
ونلاين-كەدەسۋ بارىسىندا ينۆاتاكسي, كارانتين كەزىندەگى ىمداۋ ءتىلى ماماندارىنىڭ قىزمەتتەرى بويىنشا دا سۇراقتار قويىلدى. وبلىس اكىمىنىڭ ورىنباسارى بۇل ماسەلەلەر بويىنشا دا ءتيىستى شارالار قابىلداناتىنىن ايتتى.
مۇمكىندىگى شەكتەۋلى جاندارعا وتە قاجەت قۇرال – مۇگەدەكتەر ارباسى تۋرالى وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ باسشىسى اسەم جۇنىسپەكوۆا ايتىپ بەردى. بۇگىندە بۇل قۇرالداردى ساتىپ الۋعا كونكۋرس وتكەن ەكەن. ەندى ارباشالاردى جەتكىزۋ الدىمىزداعى ماۋسىم ايىنان باستالادى. تەحنيكالىق جانە تيفلوقۇرالدار مامىر-ماۋسىم ايلارىندا تۇسەتىن كورىنەدى.
قاراعاندى وبلىسى
