ۇلتتىق ەكونوميكا مينيسترلىگىنىڭ مالىمەتىنشە, رەسپۋبليكالىق بيۋدجەتتەن بولىنگەن قاراجاتقا وبلىس ورتالىقتارىنىڭ, شاعىن جانە مونوقالالاردىڭ, اۋىلدىق ەلدى مەكەندەردىڭ ينفراقۇرىلىمىن جانە دە ءىرى قالالاردىڭ شەت ايماقتارىن دامىتۋعا, سونداي-اق مامانداردى الەۋمەتتىك قولداۋ شارالارىن ىسكە اسىرۋ ءۇشىن جەرگىلىكتى اتقارۋشى ورگاندارعا بيۋدجەتتىك كرەديتتەر بەرۋ كوزدەلىپ وتىر.
وسى رەتتە, وڭىرلەردى دامىتۋ باعدارلاماسى اياسىندا الماتى وبلىسىنا 17,4 ملرد تەڭگە, اقمولا وبلىسىنا 15,9 ملرد تەڭگە جانە تۇركىستان وبلىسىنا 14,1 ملرد تەڭگە قاراستىرىلىپ وتىر.
سونداي-اق, «اۋىل-ەل بەسىگى» باعدارلاماسى اياسىندا بيىل اۋىلدىق ەلدى مەكەندەردە 10 مىڭنان استام جۇمىس ورنى اشىلادى دەپ كۇتىلۋدە. جالپى بۇل باعدارلاماعا بيىل 84 ملرد تەڭگەدەن استام قارجى ءبولىنىپ وتىر.
