كەزدەسۋگە تۇركى كەڭەسىنىڭ قازىرگى توراعاسى ءازىربايجاننىڭ دەنساۋلىق ساقتاۋ ءمينيسترى وكتاي شيراليەۆ, تۇركى كەڭەسىنىڭ باس حاتشىسى باعداد امىرەەۆ, قازاقستاننىڭ دەنساۋلىق ساقتاۋ ءمينيسترى ەلجان بيرتانوۆ, تۇركيانىڭ دەنساۋلىق ساقتاۋ ءمينيسترى فاحرەتتين كوجا, وزبەكستاننىڭ دەنساۋلىق ساقتاۋ ءمينيسترى الىشەر شادمانوۆ, قىرعىزستاننىڭ دەنساۋلىق ساقتاۋ ءمينيسترىنىڭ ورىنباسارى نۇربولوت ۇسەنباەۆ, ۆەنگريانىڭ دەنساۋلىق ساقتاۋ جونىندەگى مەملەكەتتىك حاتشىسى زولتان لورينچي جانە دۇنيەجۇزىلىك دەنساۋلىق ساقتاۋ ۇيىمىنىڭ ەۋروپا بويىنشا ايماقتىق ديرەكتورى حانس انري كلۋگە قاتىستى.
دەنساۋلىق ساقتاۋ مينيسترلەرى COVID-19-مەن كۇرەستەگى جانە پاندەميادان كەيىنگى كەزەڭدە تۇركى كەڭەسى شەڭبەرىندەگى ىنتىماقتاستىقتىڭ ماڭىزدىلىعىن اتاپ ءوتتى.
وتىرىستا اقپاراتپەن تاجىريبە الماسۋ جانە پروفيلاكتيكالىق ادىستەر, دياگنوز قويۋمەن, قاۋىپتى ينفەكتسيالاردى ەمدەۋ, ەپيدەميولوگيالىق جانە عىلىمي زەرتتەۋلەر ءۇشىن كوپجاقتى ىنتىماقتاستىق تەتىكتەرىن قۇرۋ تۋرالى شەشىم قابىلداندى. مينيسترلەر قاتىسۋ تاراپتاردىڭ مەديتسينالىق قىزمەتكەرلەرى اراسىندا بىرلەسكەن تەحنيكالىق كەزدەسۋلەر مەن ماماندار دايىنداۋ باعدارلامالارىن وتكىزۋگە كەلىستى.
سونىمەن قاتار, مينيسترلەر دەنساۋلىق ساقتاۋ ينفراقۇرىلىمىنا بىرلەسكەن ينۆەستيتسيالاردىڭ, اتاپ ايتقاندا تەست جيىنتىقتارى, ماسكالار, فارماتسەۆتيكا, ۆاكتسينا ويلاپ تابۋ قاجەتتى زەرتحانالىق مەديتسينالىق جابدىقتاردىڭ ءوندىرۋ ماسەلەلەرىن تالقىلادى. وسىعان بايلانىستى, تاراپتار جوعارىدا اتالعان سالالارداعى ىنتىماقتاستىق ءۇشىن «جەتكىزىلىم تىزبەگى توبىن» قۇرۋعا كەلىستى. مينيسترلەر سونداي-اق, جاقىن ارادا جوعارىدا اتالعان زاتتاردى شىعارۋ بويىنشا مەملەكەتتىك جانە جەكە كومپانيالار اراسىندا ىنتىماقتاستىق ورناتۋعا ارنالعان ارنايى بيزنەس-فورۋم وتكىزۋگە كەلىستى.
باس حاتشى باعداد امىرەەۆ ءوز سوزىندە مينيسترلەردى تۇركى كەڭەسى پرەزيدەنتتەرىنىڭ 2020 جىلعى 10 ساۋىردە وتكەن توتەنشە ءسامميتىنىڭ شەشىمدەرى تۋرالى حاباردار ەتىپ ءساۋىردىڭ اياعى مەن مامىردىڭ باسىندا جوسپارلانعان تۇركى كەڭەسى مۇشە مەملەكەتتەرىنىڭ كولىك, ەكونوميكا, ساۋدا, اقپاراتتىق جانە كوممۋنيكاتسيالىق تەحنولوگيالار (اكت) مينيسترلەرىنىڭ جانە كوشى-قون قىزمەتتەرى باسشىلارىنىڭ ۆيدەوكونفەرەنتسيالارىن كۇن ءتارتىبى تۋرالى اقپارات بەردى.
باس حاتشى مۇشە مەملەكەتتەردىڭ ءتيىستى مەكەمەلەرى اراسىنداعى ءوزارا ءىس-قيمىل مەن ۇيلەستىرۋ جۇمىسىن ارتتىرۋ ماقساتىندا ىنتىماقتاستىقتىڭ كوپجاقتى تەتىكتەرىن قۇرۋ تۋرالى پىكىرلەرىن ايتتى.
ب.امىرەەۆ دەنساۋلىق ساقتاۋ جانە بىرلەسكەن مەديتسينالىق جانە زەرتحانالىق جابدىقتارىن شىعارۋ, سونداي-اق فارماتسەۆتيكالىق ونىمدەر مەن ۆاكتسينالار ءوندىرۋ سالاسىنداعى بىرلەسكەن ءوندىرىس ورىندارىن قۇرۋ جايلى ۇسىنىستارىن ايتتى.
باس حاتشى, تۇركى مەملەكەتتەرىنىڭ باسشىلارىنىڭ شەشىمدەرىنە سايكەس, ۇيىمنىڭ پاندەميادان كەيىنگى كەزەڭدە دە, بىرلەسكەن كۇش-جىگەردى ۇيلەستىرۋ ماسەلەلەرى بويىنشا جانە دەنساۋلىق ساقتاۋ مينيسترلەرىنىڭ كەزدەسۋدە قول جەتكەن كەلىسىمدەردىڭ ورىنداۋ ءۇشىن قاجەتتى شارالاردى قابىلدايتىنىن ايتتى.
