رۋحانيات • 29 ءساۋىر، 2020

بۇگىن باتىرحان شۇكەنوۆتى ەسكە الۋ كونتسەرتى وتەدى

84 رەت كورسەتىلدى

مادەنيەت جانە سپورت مينيسترلىگىنىڭ «كارانتيندەگى جۇلدىز» جوباسى اياسىندا بۇگىن ءانشى باتىرحان شۇكەنوۆتى ەسكە الۋ كونتسەرتى وتەدى.

«ونلاين كونتسەرتتە قازاق ەستراداسىنىڭ بەلگىلى ارتىستەرى روزا رىمباەۆا، ساعىناي ابدۋللين، نادجيب ۆيلدانوۆ، رەنات گايسين، جانار دۇعالوۆا، رۇستەم نۇرجىگىت، دينايا، ءالي وقاپوۆ، سىرىمتاي ەڭسەپوۆ تىكەلەي ەفيردە باتىرحان شۇكەنوۆتىڭ رەپەرتۋارىنداعى اندەردى ورىندايدى»، - دەلىنگەن مادەنيەت مينيسترلىگىنىڭ حابارلاماسىندا.

كونتسەرتتى كەشكى ساعات 21:00-دە ونلاين فورماتتا «قازاقتەلەكوم» اق-نىڭ telecomkz YouTube ارناسىنان كورە الاسىزدار.

سونداي-اق كونتسەرت مادەنيەت جانە سپورت مينيسترلىگىنىڭ Facebook جانە قازاقكونتسەرتتىڭ @qazaqconcert Youtube پاراقشالارىندا قايتالانادى.

ەسكە سالا كەتەيىك، ءانشى، سازگەر، قازاقستاننىڭ ەڭبەك سىڭىرگەن قايراتكەرى باتىرحان شۇكەنوۆتىڭ ومىردەن وتكەنىنە 5 جىل تولدى. ول 2015 جىلى ماسكەۋدە جۇرەك اۋرۋىنان قايتىس بولعان بولاتىن.

 

سوڭعى جاڭالىقتار

ۇقساس جاڭالىقتار