- وبلىستىق باسقارما باسشىلارى مەن اۋدان, قالا اكىمدەرىنە قاتاڭ ەسكەرتەمىن. ۇجىمدا كەز كەلگەن جەمقورلىق سيپاتىنداعى ارەكەتتەرگە جول بەرگەن ءبىرىنشى باسشىنىڭ ماسەلەسىن ءوزىم جەكە قارايتىن بولامىن, – دەدى وبلىس اكىمى.
جيىندا قر سىبايلاس جەمقورلىققا قارسى ءىس-قيمىل اگەنتتىگىنىڭ قىزىلوردا وبلىسى بويىنشا دەپارتامەنتى باسشىسى ارداق ەرسەيىتوۆ مەملەكەتتىك ورگاندار باسشىلارى وزدەرىنە تىكەلەي باعىنىستاعى تۇلعالاردىڭ سىبايلاس جەمقورلىق قىلمىستار جاساعانى ءۇشىن جاۋاپتىلىقتا ەكەنىن مالىمدەدى. وسى زاڭنىڭ قابىلدانۋىمەن ەلىمىزدە سىبايلاس جەمقورلىققا قارسى كۇرەستىڭ جاڭا كەزەڭى باستالدى.
ماجىلىستە مامىر ايىنداعى مەرەكەلىك شارالاردى ۇيىمداستىرۋ تۋرالى وبلىس اكىمىنىڭ ورىنباسارى سەرىك احمەت حابارلاما جاسادى.
بيىلعى ۇلى جەڭىستىڭ 75 جىلدىعىنا ارنالعان «جاسامپاز جاساق» جوباسى ونلاين فورماتتاعى اكتسيامەن باستالدى. بۇگىندە وبلىستا 16 ۇوس ارداگەرى, 49 مايدانگەرلەر جەسىرى جانە 4269 تىل ارداگەرى بار. جالپى وڭىردەگى 4 335 ۇوس ارداگەرى مەن ولارعا تەڭەستىرىلگەن ازاماتتارعا بىرجولعى ماتەريالدىق كومەك كورسەتۋگە وبلىستىق جانە اۋداندىق بيۋدجەتتەن بارلىعى 454,8 ملن.تەڭگە بولىنگەن. ۇوس ارداگەرلەرىنە 1 ملن. 111 مىڭ تەڭگە الەۋمەتتىك تولەم جاسالاتىن بولادى.
قازاقستان حالقىنىڭ بىرلىگى جانە وتان قورعاۋشىلار كۇنى, ۇلى جەڭىستىڭ 75 جىلدىعى مەرەكەلەرىنە ارنالعان شارالار Youtube پلاتفورماسىندا ىسكە قوسىلعان «سىر بىرلىگى» كانالىندا ونلاين كورسەتىلەدى جانە الەۋمەتتىك جەلىلەر مەن ينتەرنەت رەسۋرستاردا #Syrbirligi, #1mamyr #Bizbirgemiz حەشتەگتەرىمەن اقپاراتتاندىرىلادى.
سونىمەن قاتار, ماجىلىستە ءوڭىر باسشىسى قىزىلوردا وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ جاڭا باستىعىن تانىستىردى. قر ىشكى ىستەر ءمينيسترىنىڭ بۇيرىعىمەن قىزىلوردا وبلىسى بويىنشا قىلمىستىق-اتقارۋ جۇيەسى دەپارتامەنتىنىڭ باستىعى قىزمەتىنە شايمەردەن ەسەنكەلديەۆ تاعايىندالدى.
