بۇرىنعىداي قايىرىمدىلىقتىڭ ورنى ەرەكشە. اسسامبلەيا – ءبىزدىڭ قوعامنىڭ بىرىكتىرۋشى بۋىنى. قحا كەز كەلگەن جاعدايدا ءبىرىنشى بولىپ كومەككە كەلەدى, ارقاشان ءبىرىنشى قاتاردان كورىنەدى. بۇعان كەلتىرەتىن مىسال كوپ. توتەنشە جاعداي رەجيمى ەنگىزىلگەن العاشقى كۇننەن باستاپ ەلوردالىق اسسامبلەيانىڭ بەلسەندىلەرى مەن ەرىكتىلەرى جۇمىسقا قوسىلدى. ناۋرىز ايىنىڭ سوڭعى ونكۇندىگىندە نۇر-سۇلتان قالاسى قحا ء«بىز بىرگەمىز» اتتى قايىرىمدىلىق اكتسياسىن وتكىزدى. 2020 جىلدىڭ 20 ناۋرىز بەن 26 ءساۋىر ارالىعىندا اكتسيا اياسىندا قالالىق اسسامبلەيا مۇشەلەرى از قامتىلعان كوپ بالالى وتباسىلارعا جانە ەگدە جاستاعى ادامدارعا كومەك كورسەتتى. «پاراسات» قايىرىمدىلىق قىزمەتىن ۇيلەستىرۋ ورتالىعى 15 كوپ بالالى وتباسىنا كومەك كورسەتكەن بولاتىن.
بۇگىنگى ۇندەۋدە پرەزيدەنت قاسىم-جومارت توقاەۆ ىندەتپەن كۇرەستىڭ الدىڭعى شەبىندەگى ازاماتتاردى تاعى دا ەرەكشە اتاپ ءوتتى. قاۋىپ-قاتەرگە قاراماي مۇقتاج جاندارعا كومەك قولىن سوزعان ەرىكتىلەرگە دە ريزاشىلىق ءبىلدىردى. بۇل ريزاشىلىعىڭىز بارلىق ەرىكتىلەرگە ەرەكشە كوڭىل-كۇي سىيلادى. قاناتتارىمىز كوتەرىلىپ ءبىر سەرپىپ قالدىق. 16 ناۋرىزدان باستاپ وسى كۇنگە دەيىن كۇندىز-ءتۇنى مۇقتاج جاندارعا كومەك جەتكىزىپ كەلەمىز. اسسامبلەيا ەرىكتىلەرى زەينەتكەرلەرگە ءدارى-دارمەك جەتكىزۋ, ماسكالار تاراتۋ بويىنشا اكتسيالارعا قاتىسىپ جاتىرمىز. ءبىز تەك قيىن قىستاۋ كەزدە عانا ەمەس, قۋانىشتى ك دا بىرگە بولامىز!
قۇرمەتتى قاسىم-جومارت كەمەل ۇلى, ءبىز 24 ساعات بويى ەلىمىزگە قىزمەت ەتۋگە ساقاداي سايمىز! ەلوردا ەرىكتىلەرى ارقاشان دايىن!
بۇل ىندەتتى بىرگە جەڭۋگە ءسوز بەرەمىز! #bizbirgemiz
نارگيزام ماحمۋدي , نۇر-سۇلتان قالاسى ۇيعىر ەتنومادەني بىرلەستىگىنىڭ مۇشەسى
