ەرتەڭنەن باستاپ جوندەۋ جانە قۇرىلىس كاسىپورىندارى, سونداي-اق جول جوندەيتىن جانە جۇك تاسىمالداۋشى كومپانيالار, اسفالت زاۋىتتارى جۇمىستارىن جالعاستىراتىن بولادى. ادام سانىنا شاققاندا 45 مىڭ جان جۇمىسقا كىرىسەدى. حالىققا قىزمەت كورسەتۋ ورتالىقتارى كاسىپكەرلەر ءۇشىن جۇمىس ىستەيدى, ال جەكە تۇلعالار ءۇشىن ءالى دە ونلاين تۇرىندە قالا بەرەدى. ازىق-ت ۇلىك دۇكەندەرى مەن سۋپەرماركەتتەر جۇمىستارىن تاڭعى سەگىزدەن كەشكى جەتىگە دەيىن جالعاستىرا الادى. بۇرىن تاڭعى ساعات 10.00 كەشكى 18.00-گە دەيىن عانا بولاتىن.
قالا تۇرعىندارىنىڭ مازاسى كەتىپ جۇرگەن ماسەلە - ساياجايلارعا بارۋدىڭ شەكتەلگەنى ەدى. ەندى تاڭعى ساعات بەستەن كەشكى سەگىزگە دەيىن ساياجايعا بارۋعا رۇقسات بەرىلگەن. وعان ارنايى اۆتوبۋستار اپاراتىن بولادى, بىراق اۆتوبۋستىڭ اۋزى-مۇرنىنان شىعا تولتىرىلۋى قاتاڭ قاداعالانادى.
اۋرۋحانالار دا جوسپارلى جۇمىستارىن جالعاستىراتىن بولادى. دياگنوستيكالىق كەڭەستەر بەرۋ دە جالعاسادى. ادۆوكاتتىق, كونسۋلتاتسيالىق, سونداي-اق اۆتوجۋ, تەحنيكالىق قىزمەت كورسەتۋ, حيميالىق تازارتۋ سياقتى قىزمەت كورسەتۋ ورىندارى دا ىسكە قوسىلادى.
ودان ءارى اكىم سولتۇستىكقازاقستاندىقتارعا كارانتين بارىسىندا كورسەتىلگەن كومەكتەر تۋرالى دا ايتىپ ءوتتى. تابىسىنان ايرىلعان بارلىق 94 مىڭ جان 42500 تەڭگەلىك كومەك العان. وعان 4 ملرد تەڭگە جۇمسالعان. ء«بىز بىرگەمىز» قورى ارقىلى كومەك العاندار سانى 11 مىڭ ادام. بۇل شىعىنعا 600 ملن. تەڭگە تولەنگەن. كوممۋنالدىق تولەمدەردەن ازاماتتاردىڭ 7 كاتەگورياسى بوساتىلىپ, وعان 1 ملرد.تەڭگە جۇمسالادى.
ءسوزىنىڭ سوڭىندا قۇمار ىرگەباي ۇلى وبلىس تۇرعىندارىنا كارانتين كەزىندەگى قاتاڭ رەجىمدى بۇلجىتپاي ورىنداعاندارى ءۇشىن العىسىن ايتتى. «سونىڭ ارقاسىندا سوڭعى ءۇش اپتادا ءبىزدىڭ وبلىستا بىردە ءبىر ادام ناۋقاسقا ۇشىراعان جوق. ءساۋىر ايىنىڭ باسىندا ءبىز ىندەتكە تاپ بولعاندار سانى بويىنشا رەسپۋبليكادا ءۇشىنشى ورىندا بولعان ەدىك. سىزدەردىڭ كارانتين تالاپتارىن تۇسىنىستىكپەن ورىنداپ, قاتتى ساقتاعاندىقتارىڭىزدىڭ ارقاسىندا بىزدە ىندەت كۇش المادى. قازىر ءبىز ەلىمىزدەگى بارلىق ايماقتىڭ اراسىندا 15-ءشى ورىندامىز», دەدى ول.
سونىمەن بىرگە اكىم ىندەتتىڭ ءالى دە ايىقپاعانىن, سوندىقتان ساقتىق شارالارىن تومەندەتپەۋدى, اركىم ءوزى تۇراتىن اۋداندارداعى دۇكەندەر مەن قىزمەت ورىندارىنا عانا بارۋ كەرەكتىگىن ەسكەرتتى.
سولتۇستىك قازاقستان وبلىسى
