اتىراۋ وبلىسى بويىنشا ەكونوميكالىق تەرگەۋ دەپارتامەنتىنىڭ قىزمەتكەرلەرى جەدەل-ىزدەستىرۋ شارالارى بارىسىندا «ەكى جەپ, بيگە شىعۋدى» كوزدەگەن تۇرعىندى ۇستادى. ول 1,5 مىڭ توننا ديزەل وتىنى مەن 400 توننا مازۋتتى زاڭسىز ساتپاق بولىپتى. الايدا, قۋ قۇلقىننىڭ قامىن كۇيتتەگەن تۇرعىننىڭ ارام ويى ىسكە اسپادى.
جىلىوي اۋداندىق سوتىنىڭ ۇكىمىمەن اتىراۋ قالاسىنىڭ تۇرعىنى قر قىلمىستىق كودەكستىڭ 197-بابىنىڭ 4-بولىمىندەگى 2-تارماعى بويىنشا كىنالى دەپ تانىلدى. ءسويتىپ, وعان 3 جىلعا باس بوستاندىعىنان ايىرۋ جازاسى تاعايىندالدى.
