قىزمەتتى الۋ ءۇشىن ەلەكتروندىق ۇكىمەتتىڭ پورتالىنداعى «سەرۆيستەر» بولىمىندە ورنالاسقان «ەتسق-نى قاشىقتان الۋ» قىزمەتىن تاڭداۋ قاجەت. بۇدان ءارى كىلتتى الۋدىڭ ستاندارتتى پروتسەدۋراسىنان ءوتۋ كەرەك. ەتسق-نى قاشىقتان الۋ جولىمەن https://egov.kz/cms/ru/services/pass_onlineecp سىلتەمەسى ارقىلى تانىسا الاسىز. بۇل جەردە ەتسق-نى الۋدىڭ ءار قادامى كورسەتىلگەن نۇسقاۋلىق ورنالاستىرىلعان.
وسى ۋاقىتقا دەيىن ەتسق-نى قاشىقتان الۋ كەزىندە جۇيە كەيبىر جاعدايلاردا, ياعني جەكە كۋالىكتىڭ مەرزىمى ءوتىپ كەتۋىنە بايلانىستى, قۇجات يەسىن سايكەستەندىرە المادى. بۇل جاعدايدا پايدالانۋشىنىڭ ءوتىنىمى مودەراتسياعا جىبەرىلىپ, وعان قوسىمشا ۋاقىت قاجەت بولدى.
پاسپورتتى جەكە باسىن كۋالاندىراتىن قۇجاتتىڭ بالاماسى رەتىندە پايدالانۋ ەتسق-نى قاشىقتان الۋ بارىسىندا سايكەستەندىرۋدەن ءوتۋ پروتسەسىن جەڭىلدەتەدى. اسىرەسە, جەكە كۋالىكتىڭ قولدانىلۋ مەرزىمى اياقتالعان جاعدايدا ءتيىمدى. ەندى قازاقستاندا ەلەكتروندىق تسيفرلىق قولتاڭبانى سايكەستەندىرۋ پروتسەسىنەن اۆتوماتتى تۇردە قاشىقتان ءوتۋ ارقىلى الۋعا بولادى. بۇگىن ەتسق-نى جەكە تۇلعالارمەن قاتار زاڭدى تۇلعالار دا الا الادى. تج كەزىندە 274 مىڭ ەتسق بەرىلدى.
ماڭعىستاۋ وبلىسى
