ايماقتار • 27 ءساۋىر، 2020

ەرىكتىلەر ەل ەرتەڭى ءۇشىن ەڭبەك ەتۋدە

48 رەتكورسەتىلدى

قازاقتىڭ قانىندا بار قاسيەت ۇرپاقتىڭ جادىنان ەشقاشان وشپەيدى. قولدا بارىمەن ءبولىسۋ، وزگەگە كومەكتەسۋ دە ادامشىلىقتىڭ، كىسىلىكتىڭ كورىنىسى. جالپى، ۇلتتىڭ بۇل ۇلى قاسيەتى حالىقتىڭ كونە داستاندارىندا، ەرتەگى-اڭىزدارىندا، ءبىر سوزبەن ايتقاندا اۋىز ادەبيەتىندە كەڭىنەن دارىپتەلگەن. كەيىنگى كەزەڭدە دە قالامگەرلەردىڭ شىعارماشىلىعى ادام جانىن ىزگىلىككە تاربيەلەۋ، تازالىققا باۋلۋ سياقتى قاسيەتتەردى ناسيحاتتادى. بۇل تۇرعىدا بۇگىندە جاستاردى جاقسىلىققا، كىسىلىك پەن كىشىلىككە تاربيەلەۋدە مەملەكەتتىڭ دە العا قويعان ماقساتى ايقىن. پرەزيدەنت قاسىم-جومارت توقاەۆ بيىلعى جىلدى «ۆولونتەر جىلى» دەپ جاريالاعان بولاتىن. ۇرپاقتى ۇلتتىڭ ۇلى قاسيەتىن دارىپتەۋگە باۋليتىن شەشىمنىڭ شىنىندا دا ءاربىر ازاماتتىڭ كوكەيىنە كىسىلىكتىڭ كوركەم مامىلەسىن ۇيالاتقانى انىق.

بۇگىنگىدەي الەم ابىگەرگە ءتۇسىپ، كوپشىلىكتىڭ كوكەيى كۇپتى بولىپ تۇرعان كەزدە دە ءبىر-بىرىنە بولىسىپ، بارىمەن ءبولىسىپ جاتقان جاقسىلار بار. بۇل دا وزگەنىڭ اقىسىن ءوز اقىسىنان جوعارى قويا بىلەتىن بابا-مىنەزدىڭ كورىنىسى. ءوز ەركىمەن ەلدىڭ قامىن ويلاعان ەرىكتىلىك. جۋىردا تاراز قالاسىندا كاسىپكەرلەردىڭ تاراپىنان الەۋمەتتىك جاعدايى تومەن، كوپبالالى جانە از قامتىلعان وتباسىلارعا، قارت جانە مۇمكىندىگى شەكتەۋلى كىسىلەرگە ازىق-ت ۇلىك، ىستىق تاماق سياقتى قاجەتتىلىكتەر تاراتىلعان كەزدە دە ەرىكتى جاستاردىڭ بۇل ىسكە قولعابىس جاساپ جۇرگەنىن كوزىمىز كوردى. ياعني، ولار ازىق-ت ۇلىكتى، ىستىق تاماقتى بەلگىلەنگەن مەكەنجايعا جەتكىزۋدى ءوز مويىندارىنا العان. سول سياقتى قيىن كەزەڭدە مەديتسينالىق بەتپەردە تىگۋمەن، اس پىسىرۋمەن جانە وزگە دە وڭدى شارۋالارمەن اينالىسقان ازاماتتاردىڭ بۇل ارەكەتى قازاقتىڭ بويىنداعى كورگەندىلىك پەن كىسىلىكتى كورسەتەدى. ماسەلەن، جامبىل وبلىستىق جاستار ساياساتى ماسەلەلەرى باسقارماسىنىڭ مالىمەتىنشە، توتەنشە جاعدايعا بايلانىستى وبلىس اۋماعىندا بارلىعى 550 ەرىكتى ازاماتتاردىڭ ءتىزىمى جاساقتالىپ، ناقتى جۇمىستار جۇرگىزىلۋدە ەكەن. سونىمەن قاتار، وڭىردە ۆولونتەرلىكپەن بارلىعى 13 ۇيىم اينالىسادى. ولاردىڭ قۇرامىندا 6000-نان اسا ەرىكتىلەر بازاسى جاساقتالعان. بۇدان بولەك، وبلىس اۋماعىنداعى تەحنيكالىق جانە كاسىپتىك ءبىلىم بەرۋ ۇيىمدارىندا 36، تاراز قالاسى مەن بارلىق اۋداندىق «جاستار رەسۋرستىق ورتالىقتارىنىڭ» جانىنان 11 ۆولونتەرلىق توپ قۇرىلعان. ارينە، ساۋاپتى ىسپەن اينالىسۋ دۇرىس نارسە. ءتىپتى، بۇگىنگىدەي ساتتە كومەككە ءزارۋ جاندار كوپ. سوندىقتان دا وڭىردە جاستاردى جاقسى ىسكە تارتۋ، سول ارقىلى ۇلتتىڭ بولمىسىندا عاسىرلار بويى قالىپتاسقان قايىرىمدىلىق قاسيەتتەرىن ناسيحاتتاۋ ماقساتىندا بۇگىندە ءتيىستى جۇمىستار اتقارىلۋدا. «وبلىس اۋماعىندا كارانتين رەجيمىنىڭ ەنگىزىلۋىنە بايلانىستى ءبىزدىڭ باسقارما جانىنان «اۋليەاتا جاستارى» ۆولونتەرلىق شتابى قۇرىلدى. شتابتىڭ نەگىزگى ماقساتى – قيىن-قىستاۋ كەزەڭدە وبلىس تۇرعىندارىنا جان-جاقتى قولداۋ كورسەتۋ. قازىرگى تاڭدا شتابتا بارلىعى 550 ۆولونتەر قىزمەت اتقارۋدا. تاراز قالاسى مەن وبلىستىڭ اۋداندارىندا 10 ۆولونتەردان بار. بارلىق شتاب جەكە اۆتوكولىكپەن قامتاماسىز ەتىلگەن. تاراز قالاسىندا 3، ال بارلىق اۋدانداردا 2 جەڭىل اۆتوكولىكتەن قاراستىرىلعان»، دەيدى وبلىستىق جاستار ساياساتى ماسەلەلەرى باسقارماسىنىڭ باسشىسى سەرىكبول بەرىكقوجا.

حالقىمىز «كوپ تۇكىرسە – كول» دەيدى. ساۋاپتى ءىستىڭ ۇلكەن-كىشىسى بولمايدى. بىراق، ءىرىلى-ۇساقتى كوپتەگەن شارۋانىڭ كوپتىڭ كومەگىمەن بىتەتىنى تاعى بار. بۇگىنگە دەيىن وڭىردە ەرىكتىلەردىڭ كومەگىمەن 5500 ادامعا ازىق-ت ۇلىك قوراپتارى، 495 ادامعا ءدارى-دارمەك جەتكىزىلىپ بەرىلسە، جالعىز قالعان 321 قاريانىڭ تۇرعىن ۇيلەرىنىڭ شارۋاشىلىق جۇمىستارىنا قولعابىس جاسالعان. سونىمەن قاتار، 65 جاستان اسقان 1137 قاريانىڭ زەينەتاقىسى مەن جاردەماقىسى ۇيلەرىنە جەتكىزىلسە، توتەنشە جاعداي جاريالانعان ۋاقىتتان بەرى وبلىستا 64 مىڭ 284 مەديتسينالىق ماسكا تۇرعىندارعا تەگىن تاراتىلعان. مۇنىڭ ءبارى دە ەرىكتىلەردىڭ ەرىك-جىگەرىمەن جۇزەگە اسىپ جاتقان جۇمىستار. سونداي-اق، قازىرگى كەزدە وبلىستىق پوليتسيا دەپارتامەنتى مەن وبلىستىق جاستار ساياساتى ماسەلەلەرى باسقارماسى بىرلەسىپ، «قوعامدىق ساقشى» جوباسىن جۇزەگە اسىرۋدا. بۇگىندە ەرىكتىلەردىڭ كۇشىمەن تاراز قالاسىنىڭ كوشەلەرىندە، ىقشاماۋدانداردىڭ تۇرعىن ۇيلەرى مەن عيماراتتارىنىڭ قابىرعالارىندا ەسىرتكى زاتتارىن جارنامالايتىن 300-گە تارتا گراففيتي جازۋلار مەن قۇپيا سوزدەر جويىلعان. قازىرگى كەزدە جامبىلدىق ەرىكتىلەردىڭ جۇمىسى نەگىزىنەن كوروناۆيرۋس ىندەتىنىڭ الدىن الۋ باعىتىندا ۇيىمداستىرىلۋدا. بۇل رەتتە «Jas Otan» جاستار قاناتى مەن «اق سۇڭقار» قوعامدىق بىرلەستىگى وبلىستىق توتەنشە جاعدايلار دەپارتامەنتىمەن بىرگە 500-گە جۋىق تۇرعىن ءۇيدىڭ تۇرعىندارىنا ءورت قاۋىپسىزدىگى بويىنشا ۇگىت-ناسيحات جۇمىستارىن جۇرگىزگەنىن دە ايتا كەتكەن ءجون. سونىمەن قاتار، كوروناۆيرۋس ىندەتىنە قارسى كارانتين جاريالانعان كۇننەن باستاپ ەرىكتىلەردىڭ كۇشىمەن تاراز قالاسىنداعى ويىن-ساۋىق ورتالىقتارىنا، كافە، رەستوران جانە وزگە دە نىساندارعا 15 رەيد جۇرگىزىلىپ، تۇرعىندارعا 30 مىڭ دانا اقپاراتتىق بۇكتەمەلەر مەن مەديتسينالىق ماسكالار تاراتىلعان.

اپاپ

جامبىلدىق جاستار بۇگىندە جاڭا فورماتتا ءىس-شارالار ۇيىمداستىرۋدى دا قولعا الۋدا. ولاردىڭ ىشىندە ءال-ءفارابيدىڭ 1150 جىلدىعىنا وراي پوستتار بايقاۋى، اباي قۇنانباي ۇلىنىڭ 175 جىلدىعىنا وراي كوركەمسوز وقۋ شەبەرلەرىنىڭ بايقاۋى جانە دە ءتۇرلى ونلاين جارىستار مەن وقىتۋ شارالارى بار. ۇلى دانىشپان ءابۋ ناسىر ءال-فارابي «جۇرەك – باستى مۇشە، مۇنى ءتاننىڭ ەشقانداي باسقا مۇشەسى بيلەمەيدى»، دەيدى «قايىرىمدى قالا تۇرعىندارىنىڭ كوزقاراستارى جايىنداعى» تراكتاتىندا. شىنىندا دا ادام بولمىسىندا جۇرەكتىڭ ورنى ەرەكشە. جۇرەكپەن اتقارىلعان جۇمىس تا جۇرەكتەردى ءجىبىتىپ، جىلىلىققا تولتىرادى. سوندىقتان دا بۇگىنگى ەرىكتىلىك جاستاردى ەرتەڭگى ەلدىك تۇلعا دەڭگەيىنە دەيىنگى بيىككە كوتەرەدى. ەرىكتىلىكتەن – ەلدىك تۇلعاعا دەيىنگى ارالىق باتا ءھام العىسپەن عانا جالعاسادى.

 

جامبىل وبلىسى

سوڭعى جاڭالىقتار

مارقاكولدە كۇزەت كۇشەيتىلدى

ايماقتار • بۇگىن، 10:41

پورترەت (ۇشتاعان)

ادەبيەت • بۇگىن، 08:51

ءار ادام – جەردىڭ تۇتىنۋشىسى

ەكولوگيا • بۇگىن، 08:48

وسىنداي ەلىم بار!

پىكىر • بۇگىن، 08:42

ءار ەلدىڭ ءوز دامۋ جولى بولادى

ساياسات • بۇگىن، 08:40

بايلامى بەكەم ءباتۋالى ءسوز

ساياسات • بۇگىن، 08:37

كەي وڭىردە ۆيرۋس ءورشي ءتۇستى

كوروناۆيرۋس • بۇگىن، 08:24

«مەنىڭ تۋىم» اكتسياسى ءوتتى

ايماقتار • بۇگىن، 08:09

ەلىمىزدىڭ باستى قۇندىلىقتارى

ساياسات • بۇگىن، 08:06

شارالار قاتاڭ ساقتالۋى ءتيىس

تەننيس • بۇگىن، 08:04

«بارىس» – ۇزدىكتەر قاتارىندا

حوككەي • بۇگىن، 08:03

ۇشتى، ۇشتى، شاتىر ۇشتى!..

قوعام • بۇگىن، 07:56

الماتىدا اقىن كوپ...

ادەبيەت • بۇگىن، 07:44

«اقبىلەك». جان جاراسى...

ادەبيەت • بۇگىن، 07:42

شۇعىلا-نۇردى بەتكە الىپ...

رۋحانيات • بۇگىن، 07:38

ابايعا ارنالعان ءمۇشايرا

اباي • بۇگىن، 07:36

سالعىرتتىق سان سوقتىرماسىن

قوعام • بۇگىن، 07:10

ۇقساس جاڭالىقتار