مۇنىڭ ءوزى وڭىردە ىلعال مەن سۋ رەسۋرستارى تاپشىلىعىن تۋعىزۋى ابدەن مۇمكىن بولىپ وتىر. بۇل ماسەلەنى رەتتەۋدە «كازسۋشار» رمك اقتوبە فيليالى سۋ قويماسىنىڭ الاتىن ورنى جوعارى. اتالعان گيدروينجەنەرلىك كاسىپورىن جازعى ماۋسىم كەزىندە سۋ تاپشىلىعىن بولدىرماۋ ماقساتىندا اقتوبەدەگى ءىرى كاسىپورىندار مەن شارۋالاردى سۋمەن قامتاماسىز ەتۋمەن اينالىسادى.
وتكەن جىلى قويماعا 18-20 ميلليون تەكشە مەتر سۋ جينالعان بولسا, بيىل 40-60 ميلليون تەكشە مەتر سۋ قورىن جاساقتاۋ بەلگىلەنگەن. قازىردىڭ وزىندە ونىڭ وتىز پايىزدىق مولشەرى جينالىپ ۇلگەرگەن. قويماعا سۋ ىلەك وزەنى مەن ونىڭ اينالاسىنداعى وننان استام كىشى سۋ اعارلاردان كەلىپ قۇيىلادى. «كازسۋشار» رمك اقتوبە فيليالىنىڭ باسشىسى Egemen.kz تىلشىسىنە بيىل سۋ قورىنان تاپشىلىق بولمايتىنىن, رەتتەۋ جولدارى الىنعانىن ايتىپ بەردى.
