بيىل اقتوبە وبلىسىندا 788 مىڭ گەكتار جەرگە ەگىس ەگىلەدى دەپ جوسپارلانعان. ونىڭ 452 مىڭ گەكتارىنا ءداندى داقىلدار, 30 مىڭ گەكتارىنا مايلى داقىلدار, 6,5 مىڭ گەكتارىنا كارتوپ, 5 مىڭ گەكتارعا باۋ-باقشا ونىمدەرى ەگىلمەكشى. باسقارما باسشىسىنىڭ ايتۋىنشا, بيىلعى ناۋرىزدىڭ باسىندا اۋىل شارۋاشىلىعى مەن ەنەرگەتيكا مينيسترلىگىنەن بولىنگەن 9 مىڭ توننا ديزەلدى وتىننىڭ 2 مىڭ 500 تونناسى شارۋالارعا تاراتىلعان.
قازىردە اۋىلدان كەلەتىن ەت-ءسۇت, كوكونىس جەتكىزۋشىلەردىڭ كولىكتەرى ارنايى رۇقساتنامامەن بلوك–بەكەتتەردەن «جاسىل ءدالىز» ارقىلى ءوتىپ جاتىر. بۇگىنگى كۇنى وبلىستاعى ەگىس ناۋقانىنا تۇقىم, تىڭايتقىش, جاعارماي تاسيتىن 2265 اۆتوكولىك «سەرگەك» بازاسىنا ەنگىزىلگەن.
-جانارماي, ديزەلدى وتىن تاسيتىن وپەراتورلاردىڭ كولىكتەرى بازاعا ەنگىزىلدى. رەسەيدەن, باسقا وبلىستاردان تۇقىم, مال اكەلىپ جاتقانداردىڭ رۇقساتنامالارىن ازىرلەپ, بلوك-بەكەتتەردەن كەدەرگىسىز ءوتۋى ءۇشىن وبلىس اكىمدەرى ورىنباسارلارىمەن ءۇزىلىسسىز حاباردپسىپ وتىرمىز. ءوڭىر تۇرعىندارى مال بازارى مەن قالاداعى اۋىل شارۋاشىلىعى تەحنيكالارىنىڭ قوسالقى بولشەكتەرىن ساتاتىن بازارلاردىڭ اشىلۋىن سۇرايدى. ازىرگە وبلىستاعى قۇرال-سايماندار ساتاتىن ساۋدا نۇكتەلەرىنىڭ ورتاق ۆاتساپ جەلىسى قۇرىلىپ, قاجەتتى كولىك قۇرال-جابدىقتارىنا وسى جەردەن تاپسىرىس بەرىلىپ جاتىر, دەدى قۇسايىن سارسەمباي
اۋىل, اۋدانداردان اۆتوكولىكتەردىڭ ءوتۋى ءۇشىن شارۋالار مەن كاسىپكەرلەر ءوز اۋداندارىنىڭ اۋىل شارۋاشىلىعى بولىمدەرىنە ءوتىنىش جازىپ, اۆتوكولىك ءنومىرىن, جۇرگىزۋشىنىڭ جانە شارۋاشىلىق قۇرىلىمى باسشىسىنىڭ جەكە سايكەستەندىرۋ نومىرلەرىن تىركەتەدى. اۋىل شارۋاشىلىعى ءبولىمى وسى مالىمەتتەردى وبلىستىق اۋىل شارۋاشىلىعى باسقارماسىنا جولدايدى. بۇل جەردە وسى مالىمەتتەر «سەرگەك» ونلاين بازاسىنا كىرگىزىلىپ, اۋدانداردان كەلگەن كولىكتىڭ اقتوبە قالاسىنا كەدەرگىسىز كىرۋىنە رۇقسات بەرىلەدى. بىراق بۇل ەرەجە باسقا وبلىستاردان كەلەتىندەرگە جۇرمەيدى. ويتكەنى, ء ار وبلىستا «سەرگەك» بازاسى ءارتۇرلى.
قازىرگى ۋاقىتتا وڭىرىمىزدە نەگىزگى ازىق-ت ۇلىك تۇرلەرىنىڭ باعاسى تۇراقتى. وسى كۇنى تۇراقتاندىرۋ قورىندا 435 توننا كارتوپ بار. «ازىق-ت ۇلىك» كورپوراتسياسى ارقىلى 20 مىڭ توننا بيداي ساتىپ الىندى. بۇل الداعى استىققا دەيىن جەتۋى ءتيىس. جاقىندا قىزىلوردا وبلىسىنان كۇرىش ساتىپ الۋعا كەلىسىم جاسالىنىپ, وبلىس اكىمىنىڭ رەزەرۆىنەن بولىنگەن 300 ميلليون تەڭگە قارجىعا نەگىزگى ازىق-ت ۇلىك ونىمدەرى تۇراقتاندىرۋ قورىنا ساتىپ الىندى.
ەلىمىزدە توتەنشە جاعداي ەنگىزىلگەننەن باستاپ, ناۋرىزدىڭ ورتاسىندا ەلىمىزدەن 9 ءتۇرلى تاعامدى ەكسپورتتاۋعا شەكتەۋ قويىلدى. مۇنىڭ قاتارىندا ۇن جانە ماكارون ونىمدەرى, قاراقۇمىق جارماسى, كۇنباعىس مايى, ءىرى قارانىڭ ەتى, ءسۇت, كۇرىش, قانت بار. تىكەلەي ەفير كەزىندە اۋىل شارۋاشىلىعى باسقارماسى باسشىسى جاقىندا, كۇنباعىس مايىن وبلىس شەكاراسىنان سىرتقا ساتۋعا قويىلعان شەكتەۋدىڭ الىنىپ تاستالاتىنىن حابارلادى.
