اتالعان شتاب جۇمىسى الەۋمەتتىك قورعاۋ جانە ەڭبەك قاتىناستارى, جەكە تۇلعالاردىڭ قوزعالىسى, كولىك پەن تاۋارلار, مەديتسينالىق, سانيتارلىق-ەپيدەميولوگيالىق قاۋىپسىزدىك جانە تاعى دا باسقا ماسەلەلەرمەن بىرگە, ءوڭىردىڭ تىرشىلىك ارەكەتىنىڭ نەگىزگى جەتى باعىتىن دا قامتيدى. شتاب تاۋلىك بويى جۇمىس ىستەيدى. تۇرعىندار 109 ءنومىرى بويىنشا مەملەكەتتىك باعدارلامالار, توتەنشە جاعداي جانە كارانتيندىك رەجيمنىڭ ەنگىزىلۋىنە بايلانىستى الەۋمەتتىك تولەمدەر, كولىك قوزعالىسى جانە باسقا دا ماسەلەلەر بويىنشا كەڭەس الا الادى. اعىمداعى جىلعى 23 ناۋرىزدان بەرى جەدەل شتابتىڭ بايلانىس ورتالىعىنا 10 مىڭنان استام ءوتىنىش تۇسكەن. سونداي-اق, قازىرگى كەزدە جەدەل شتاب قىزمەتكەرلەرى بەينەباقىلاۋ كامەرالارىمەن جابدىقتالعان 44 بلوك-بەكەتتىڭ جۇمىسىن ونلاين رەجيمدە باقىلاۋدا. جاڭا بايلانىس-ورتالىعىنىڭ ارتىقشىلىعى – بۇگىنگى تاڭدا وندا كەلىپ تۇسكەن كەز-كەلگەن وتىنىشكە ءتيىستى دەڭگەيدە جاۋاپ بەرە الاتىن سالالىق ماماندار بار. جۋىردا عانا جەدەل شتابتىڭ كومەگىمەن رەسەي مەملەكەتىنە تابىس تابۋ ءۇشىن بارعان تارازدىڭ ەكى تۇرعىنى ورالدى. ولار امالىن تاۋىپ سولتۇستىك قازاقستان وبلىسىنىڭ مامليۋتكا اۋىلىنا جەتىپ الادى. ولار سول اۋىلداعى جەرگىلىكتى اكىمدىكتەن جامبىل وبلىسىنىڭ جەدەل شتابىنا حابارلاسىپ, جەدەل ارەكەتتىڭ ارقاسىندا ۇيلەرىنە كەلدى.
جامبىل وبلىسى
