ءابىل قالياكپار ۇلى ءابىلدين 1977 جىلى قاراعاندى وبلىسىنداعى جاڭاارقا اۋدانىنىڭ اتاسۋ كەنتىندە دۇنيەگە كەلگەن. ىشكى ىستەر ورگاندارىنداعى قىزمەتىن 1995 جىلى قازاقستان رەسپۋبليكاسى ءىىم سەمەي زاڭ كوللەدجىندە كۋرسانت بولىپ باستادى. 1997-2007 جىلدار ارالىعىندا قاراعاندى قالاسىنىڭ وكتيابر اۋداندىق ىشكى ىستەر باسقارماسىندا ءتۇرلى جەدەل قىزمەتتەردە ىستەگەن.
2007-2012 جىلدارى وبلىستىق ىشكى ىستەر دەپارتامەنتىنە قاراستى وكتيابر اۋداندىق ىشكى ىستەر باسقارماسىندا كريمينالدىق پوليتسيا ءبولىمىن باسقاردى. 2012-2017 جىلدار ارالىعىندا قاراعاندى قالالىق ءىىب وكتيابر اۋداندىق پوليتسيا ءبولىمىنىڭ باستىعى, 2017-2019 جىلدارى وڭتۇستىك-شىعىس پوليتسيا ءبولىمىنىڭ باستىعى لاۋازىمدارىندا ەڭبەك ەتكەن.
جاڭا قىزمەتكە تاعايىندالعانعا دەيىن پوليتسيا پولكوۆنيگى ءابىل ءابىلدين وبلىستىق پوليتسيا دەپارتامەنتىنىڭ كريمينالدىق پوليتسيا باسقارماسىنىڭ باستىعى لاۋازىمىندا قىزمەت اتقاردى.
قاراعاندى وبلىسى
