قازىرگى ۋاقىتتا جالپى اۋدانى 160 مىڭنان استام شارشى مەتر (2786 پاتەر) بولاتىن اتالعان تۇرعىن ءۇي كەشەندەرىنىڭ قۇرىلىسىنا 500-گە جۋىق ادام تارتىلعان, جۇمىس ءىرى پانەلدى ءۇي قۇرىلىسى سالاسىنداعى الدىڭعى قاتارلى ازىرلەمەلەردى قولدانا وتىرىپ, ەكى اۋىسىمدا جۇرگىزىلىپ جاتىر.
ۇكىمەت باسشىسى بارلىق قۇرىلىس جۇمىستارىن ساپالى ورىنداپ, نىسانداردى جوسپارلانعان مەرزىمدە پايدالانۋعا بەرۋدى تاپسىردى.
«ۇكىمەتتىڭ قازىرگى تاڭداعى اسا ماڭىزدى مىندەتى – قۇرىلىس قارقىنىن ارتتىرىپ, ارەكەت ەتىپ تۇرعان جۇمىس ورىندارىن ساقتاۋ جانە جاڭا جۇمىس ورىندارىن قۇرۋ, حالىقتى تۇرعىن ۇيمەن قامتاماسىز ەتۋ», — دەدى ا. مامين.
2020 جىلى ەلوردادا شامامەن 3 ملن شارشى مەتر تۇرعىن ءۇي, ال جالپى ەلىمىزدە 15 ملن شارشى مەتر نەمەسە 150 مىڭ تۇرعىن ءۇي سالىنادى. قازاقستان رەسپۋبليكاسىندا حالىقتىڭ الەۋمەتتىك ءالجۋاز توپتارىنان, از قامتاماسىز ەتىلگەن وتباسىلار مەن جاستاردان, بيۋدجەتتىك ۇيىمداردىڭ قىزمەتكەرلەرىنەن تۇراتىن 32 مىڭنان استام وتباسى جالدامالى جانە نەسيەلىك پاتەرلەرمەن قامتاماسىز ەتىلەدى.
ينسپەكتسيالىق تەكسەرۋگە پرەمەر-ءمينيستردىڭ ورىنباسارى ر. سكليار, نۇر-سۇلتان ق. اكىمى ا. كولگىنوۆ, يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى ق. وسكەنباەۆ جانە ت. ب. قاتىستى.
